Það er alveg óþarfi að segja að Kaupfélag Skagfirðinga sé glæpasamtök, að því leyti hefur Elliði Vignisson rétt fyrir sér.
En þetta er félag sem leitar stöðugt í átt til einokunar – og kann best við sig í slíku umhverfi.
Og þetta félag sem lýtur stjórn manna sem vilja hafa mikil pólitísk áhrif, ekki bara á stjórn í heimahéraði, þar sem þeir ráða lögum og lofum, heldur líka á landstjórnina þar sem þeir eru furðu valdamiklir.
En Þórólfur Gíslason var ekki kjörinn til að stjórna á Íslandi – þannig að umboð hans til að standa í valdabröltinu er afar veikt. Fæstir Íslendingar vita einu sinni hvernig hann lítur út eða hvernig röddin í honum hljómar.