fbpx

Sjáðu hvað Katrín sagði árið 2015 – Þetta er veruleikinn í dag

Orðið
Fimmtudaginn 20. september 2018 19:40

Katrín Jakobsdóttir, forsætisráðherra

„Laun verða að vera þannig að hægt sé að lifa af þeim,“ sagði Katrín Jakobsdóttir í tilfinningaþrunginni ræðu árið 2015 í umræðum um störf Alþingis þar sem rætt var um kröfu Starfsgreinasambandsins um að taxtar yrðu ekki lægri en 300 þúsund á mánuði. Katrín sagði: (sjáðu myndskeið af ræðu Katrínar neðst í umfjölluninni)

„Mikil verðmæti og miklir fjármunir eru til í samfélaginu en þeim er hins vegar gríðarlega ójafnt skipt. Því er ekki óeðlilegt að verkalýðshreyfingin setji fram kröfur um að fólk geti lifað af launum sínum.“

Þá benti Katrín á að stjórnvöld hefðu sjálf gefið út viðmið um hvaða laun væru nægilega há til að lifa af þeim.

„Ég fór að gamni mínu inn á reiknivél velferðarráðuneytisins þar sem birt eru neysluviðmið fyrir íslenska fjölskyldu og setti þar inn fjölskyldu eins og mína, þrjú börn og tvo fullorðna. Þegar skoðuð eru heildarútgjöld án húsnæðiskostnaðar, sem eru dæmigerð viðmið fyrir heimili, eru útgjöldin 641 þúsund krónur á mánuði.“

Katrín var í stjórnarandstöðu á þessum tíma og tveimur árum síðar, þegar hún var enn í sama hlutverki, var ræða hennar eftir stefnuræðu Bjarna Benediktssonar, þáverandi forsætisráðherra, með svipuðum hætti. Nú þegar Katrín er sjálf orðin forsætisráðherra er komið annað hljóð í strokkinn. Í lok ágúst sagði Katrín að komandi kjaraviðræður verði strembnar og ríkisstjórnin sé ekki í stöðu til að skilgreina hvort svigrúm sé til launahækkana.

Flokkur fólksins vildi nýverið sjá skattleysismörk hækka upp í 320 þúsund. Svar Bjarna Benediktssonar fjármálaráðherra var að yrðu skattleysismörk hækkuð myndi það kosta ríkissjóð 149 milljarða. Guðmundur Ingi Kristinsson, hjá Flokki fólksins, gaf lítið fyrir svör Bjarna og sagði: „Þá er búið að taka þessa 150 milljarða af eldri borgurum og öryrkjum og láglaunafólki og þá bara skilum við þessu.“

Katrín sagði sjálf árið 2015 að sambúðarfólk á lægstu töxtum sem væri að vinna úti myndi ekki ná endum saman. Staðan er ekkert breytt í dag. Lægsti launataxti verkafólks nemur rétt rúmum 266 þúsundum á mánuði og hæsti virki launataxti verkafólks á hinum almenna vinnumarkaði slefar í rétt rúm 300 þúsund á mánuði. En flestir verkamenn á hinum almenna markaði taka laun eftir launatöxtum sem nema frá 270 til 285 þúsund á mánuði. Katrín sjálf er með rúmar tvær milljónir í laun á mánuði. Katrín sagði í ræðu sinni árið 2015.

„Stöðugleiki verður ekki eingöngu mældur í hagstærðum, hann verður líka að mæla í því að fólk geti lifað af launum sínum.“

Það er ekki orðið á götunni heldur staðreynd að Katrín Jakobsdóttir leiðir ríkisstjórn lands þar sem fólk lifir undir fátækramörkum, líkt og Katrín vitnaði svo skörulega til fyrir þremur árum. Reiknivél velferðarráðuneytisins staðfestir það. Það er rétt að stöðugleiki verður ekki mældur í hagstærðum. Og það er líka rétt að fólk verði að geta lifað af launum sínum. En ríkisstjórn Katrínar virðist ekki hafa dug í sér til að breyta því.

Myndbandið má sjá í fullri lengd á vef Alþingis.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433
Fyrir 10 klukkutímum

Kári: Við fáum miklu betri færi en þeir

Kári: Við fáum miklu betri færi en þeir
433Sport
Fyrir 10 klukkutímum

Alfreð: Markið mitt töluvert fallegra en markið hans Jóa

Alfreð: Markið mitt töluvert fallegra en markið hans Jóa
433Sport
Fyrir 10 klukkutímum

Jói Berg: Við erum í þessu til að ná í punkta

Jói Berg: Við erum í þessu til að ná í punkta
433
Fyrir 10 klukkutímum

Arnór: Vil segja sem minnst um dómarann

Arnór: Vil segja sem minnst um dómarann
433Sport
Fyrir 11 klukkutímum

Plús og mínus – ,,Hvar var þetta lið fyrstu 80 mínúturnar?“

Plús og mínus – ,,Hvar var þetta lið fyrstu 80 mínúturnar?“
433Sport
Fyrir 11 klukkutímum

Einkunnir eftir naumt tap gegn Sviss – Alfreð bestur

Einkunnir eftir naumt tap gegn Sviss – Alfreð bestur
433
Fyrir 12 klukkutímum

Vill ekki sjá Neuer í marki Þýskalands

Vill ekki sjá Neuer í marki Þýskalands
Fókus
Fyrir 13 klukkutímum

Margir minnast Ómars: „Toppeintak af manni, hlýr, góður og með yndislega nærveru“

Margir minnast Ómars: „Toppeintak af manni, hlýr, góður og með yndislega nærveru“