fbpx
Sunnudagur 17.febrúar 2019

Sturlun í beinni og kaldhæðni örlaganna

Ritstjórn Eyjunnar
Fimmtudaginn 9. ágúst 2018 13:24

Pétur Gunnlaugsson

Ekki missa af Helstu tíðindum dagsins í pósthólfið þitt

Lesa nánar

Orðið á götunni er að stundum geti örlögin verið tíkarleg. Þannig mætti alltént flokka umræðuna um „góða“ fólkið nýverið, sem byrjaði með stórfurðulegu viðtali Péturs Gunnlaugssonar við Hall Hallsson, fjölmiðlamann, á útvarpi Sögu í fyrradag. Hallur þykir hallur undir hægrið. Hann þykir einnig hafa nokkuð óhefðbundið veruleikaskyn og er með liðtækari samsæriskenningarsmiðum en hann líkti hinu pólitíska landsslagi á Íslandi við Dýrabæ George Orwell, (Animal farm), þar sem aðeins ríkti ein ríkisskoðun, í boði Egils Helgasonar, sem væri Napóleon og stjórnaði orðræðunni með harðri hendi úr Efstaleiti.

Varað er við lestri á næstu setningu sökum verulegrar hættu á kjánahrolli 

Hallur bliknaði þó í samanburðinum við Pétur, sem fyrir alvöru velti því fyrir sér, hvort stutt væri í að „góða“ fólkið á Íslandi léti drepa þá sem væru á öndverðum meiði en það sjálft; skjóta þá sem hefðu vondar skoðanir. Og þá mætti ekki lögsækja viðkomandi, né greina frá því, þar sem þeir látnu yrðu þá gerðir að píslarvottum. 

Já, það er margt skrýtið í kýrhausnum. Þess má geta að Pétur er lögráða, fullorðinn maður.

Víkur þá sögunni að Margréti nokkurri Friðriksdóttur, sem hefur látið til sín taka í umræðunni um þjóðmál, ekki síst um innflytjendur og múslima. Margrét er sannkristin og telst nokkuð langt til hægri í stjórnmálum, en í gær greindi hún frá því að hún hefði beðið Semu Erlu Serdar, einn helsta talsmann „góða“ fólksins á Íslandi, afsökunar á að hafa hrint henni, eftir orðaskipti þeirra í milli á ballskákarstað föður Semu fyrir einhverju síðan. Er sú afsökunarbeiðni þegar talin með þeim alverstu sem heyrst hafa, en þar er hrindingin nánast réttlætt, þar sem hegðun Semu er sögð fasísk.

Svo óheppilega vildi til fyrir Margréti, að Sema sjálf hafði allt aðra sögu að segja um atburði umræddrar nætur. Segir hún Margréti hafa hótað að drepa sig, í vitna viðurvist og íhugar nú að kæra Margréti fyrir líflátshótanir, sem flestir geta sammælst um að sé ekki sérlega kristin hegðun. 

Í ljósi orða Péturs Gunnlaugssonar á útvarpi Sögu, um hvort „góða“ fólkið væri ekki steinssnar frá því að verða gripið einhverskonar morðæði á þeim sem eru ósammála því, sem er væntanlega fólk af hægri vængnum, verður framvindan að teljast nokkuð háðsleg.

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433
Fyrir 5 klukkutímum

City gerði fjögur í seinni og vann góðan sigur

City gerði fjögur í seinni og vann góðan sigur
433
Fyrir 5 klukkutímum

Mbappe fékk viðurkenningu fyrir að skora 100 mörk á æfingasvæðinu

Mbappe fékk viðurkenningu fyrir að skora 100 mörk á æfingasvæðinu
433
Fyrir 6 klukkutímum

Draumalið skipað leikmönnum sem mega ræða við ný félög

Draumalið skipað leikmönnum sem mega ræða við ný félög
433
Fyrir 6 klukkutímum

Hazard sá besti sem hann hefur séð

Hazard sá besti sem hann hefur séð
Matur
Fyrir 7 klukkutímum

Ketó-rétturinn sem gerir morgunmatinn enn þá betri

Ketó-rétturinn sem gerir morgunmatinn enn þá betri
Pressan
Fyrir 8 klukkutímum

Evrópskur klámiðnaður skelfur á beinunum – Bransinn nánast lamaður

Evrópskur klámiðnaður skelfur á beinunum – Bransinn nánast lamaður