Vesen í vændum

Ritstjórn DV
Föstudaginn 30. mars 2018 12:42

Orðið á götunni er að það borgi sig ekki að vera of ákafur í viðskiptum, því það geti endað með leiðinda veseni. Þessu fékk Róbert Wessman að kynnast á dögunum, er hann ásamt Árna Harðarsyni og Magnúsi Jaroslav Magnússyni voru dæmdir til að greiða fyrrum viðskiptafélaga sínum 640 milljónir í skaðabætur, auk vaxta, fyrir viðskiptafléttu sem Hæstiréttur dæmdi ólöglega. Þetta eru sennilega hæstu skaðabætur sem nokkur hefur þurft að greiða hér á landi, ekki síst þegar vextirnir eru reiknaðir með, en þá fer upphæðin að nálgast 1.2 milljarða!

Viðskiptafléttan ólöglega fólst í grófum dráttum í því að Róbert og félagar hans seldu félag sitt á undirverði, eða um 1.5 milljónir, þó virði þess hafi verið metið um 1.7 milljarður. Ágætis afsláttur það.
Orðið á götunni er, að þar sem Hæstiréttur sagði Róbert og félaga hafa sýnt af sér ólögmæta og saknema háttsemi, sé embætti saksóknara með málið á sínu borði og því líkur á að meira vesen sé í vændum.

Ertu með athyglisverða ábendingu?
Sendu okkur póst á ordid@eyjan.is – fyllsta trúnaðar gætt.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af