Kvenmannsleysi

Orðið
Fimmtudaginn 1. mars 2018 12:23

Orðið á götunni er að verkalýðshreyfingin þurfi að taka sig á þegar kemur að hlutfalli kynjanna innan æðstu raða ASÍ. Eftir að tillaga um að segja upp kjarasamningum var felld í gær, kom bersýnilega í ljós að baráttuöskur verkalýðsbaráttunnar er 100% bassarödd.

Myndir af fundinum hafa vakið upp viðbrögð jafnréttissinna, þar sem allir talsmenn aðildarfélaga ASÍ eru karlar. Er því nema von að spurt sé hvar konurnar séu ?

Framboð Sólveigar Önnu Jónsdóttur til formanns Eflingar ætti því að teljast heillspor í kvennabaráttunni, en framganga hennar hefur vakið athygli fyrir margra hluta sakir og er væntanlega innblástur fyrir vísuna birtist í bakgrunni myndarinnar hér við færsluna, en höfundurinn er Anton Helgi Jónsson rithöfundur sem skeytti vísunni við myndina:

 

Fátt er það sem hræðist her,

hraustra verkakalla.

Kannski helst að kvennager,

kjósi burt þá alla.

Ertu með athyglisverða ábendingu?
Sendu okkur póst á ordid@eyjan.is – fyllsta trúnaðar gætt.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af