Borgarfulltrúablús

Orðið
Miðvikudaginn 17. janúar 2018 14:58

Orðið á götunni er að kjör borgarfulltrúa séu ekki jafn slæm og sumir vilja af láta. Hefur það verið nefnt sem ástæða fyrir því að ekki nógu margir frambærilegir einstaklingar séu í boði í komandi borgarstjórnarkosningum.

633 þúsund krónur kunna ekki að hljóma mjög há tala en þá er ekki tekið með í reikninginn 25% álagsgreiðslur fyrir að gegna formennsku í fagráði eða í borgarstjórnarflokki. Þar að auki er 25% álag fyrir að sitja í borgarráði og 40% fyrir formann borgarráðs. Forseti borgarstjórnar fær svo 25% álag og afnot af bifreið með bílstjóra.

Þar að auki þurfa borgarfulltrúar ekki að kaupa sér fartölvu né standa staum af því að hafa nettengingu á heimili sínu. Ef borgarfulltrúi veikist fær viðkomandi full laun í heilt ár og ef viðkomandi hættir þá gefst alltaf kostur á nokkurra mánaða biðlaunum.

Fyrir þá sem finnst það ekki nóg gefst alltaf kostur á að taka sæti í stjórn Faxaflóahafna eða Orkuveitu Reykjavíkur þar sem við bætast allt að 150 þúsund krónur á mánuði.

Miðað við að helmingur landsmanna er með minna en 583 þúsund krónur á mánuði þá hljómar alls ekki illa að fá 633 þúsund krónur á mánuði, sem geta farið upp í 950, ásamt ýmsum fríðindum

Ertu með athyglisverða ábendingu?
Sendu okkur póst á ordid@eyjan.is – fyllsta trúnaðar gætt.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af