Embætti seðlabankastjóra hefur verið auglýst til umsóknar en Már Guðmundsson, sem gegnt hefur embættinu frá árinu 2009, hættir í sumar. Auglýsingin er birt í Lögbirtingarblaðinu í dag.

Seðlabankastjóri er skipaður til fimm ára í senn og lögum samkvæmt má aðeins skipa sama mann bankastjóra tvisvar sinnum. Már mun því hætta í sumar.

Í auglýsingunni kemur fram skipað verði í embættið frá og með 20. ágúst næstkomandi en umsóknarfrestur er til og með 25. mars næstkomandi.

Um hæfniskröfur umsækjenda segir:

„Umsækjendur skulu hafa lokið háskólaprófi í hagfræði eða tengdum greinum og búa yfir víðtækri reynslu og þekkingu á fjármálastarfsemi og efnahags- og peningamálum. Gerð er krafa um stjórnunarhæfileika og hæfni í mannlegum samskiptum.“

Við skipum mun forsætisráðuneytið skipa þriggja manna nefnd sem hefur það hlutverk að leggja mat á hæfni umsækjenda um embættið. „Verður einn nefndarmaður skipaður samkvæmt tilnefningu samstarfsnefndar háskólastigsins, einn samkvæmt tilnefningu bankaráðs Seðlabanka Íslands og einn án tilnefningar og er hann formaður nefndarinnar,“ segir í auglýsingunni.