Ákveðið hefur verið að lækka laun bæjarfulltrúa í Kópavogi um 53.094 krónur og verða þau eftir lækkun nálægt lágmarkslaunum. Hins vegar verða laun fyrir setu í nefndum og ráðum óbreytt. Einnig eru laun bæjarstjóra lækkuð um 15%. Fréttatilkynning frá Kópavogsbæ um málið er eftirfarandi:

 Bæjarstjórn Kópavogs samþykkti einróma á bæjarstjórnarfundi í gær, þriðjudaginn 12. febrúar, að lækka laun fyrir setu í bæjarstjórn um 15 %.

Lækkunin felur það í sér að bæjarfulltrúalaunin lækka um 53.094 kr. á mánuði, fara úr 353.958 í 300.864. Laun fyrir setu í öðrum nefndum og ráðum haldast óbreytt.

Bæjarstjóri lagði til í upphafi kjörtímabils að laun hans yrðu lækkuð og laun bæjarfulltrúa sömuleiðis. Laun bæjarstjóra lækkuðu um 15% og tók sú lækkun gildi 12. júní síðastliðinn.