Magnús Geir Þórðarson, útvarpsstjóri, hyggst ekki biðja hjónin Jón Baldvin Hannibalsson og Bryndísi Schram afsökunar á þeim ummælum sem féllu í Morgunútvarpi Rásar 2, þegar þeir Sigmar Guðmundsson og Helgi Seljan ræddu við Aldísi Schram, dóttur þeirra hjóna. Fréttablaðið greinir frá.
Jón og Bryndís hafa hótað því að stefna RÚV fyrir tilhæfulausar ásakanir, ærumeiðingar og rangar fullyrðingar í þættinum, sem og í grein sem þeir Sigmar og Helgi rituðu. Gáfu þau útvarpsstjóra viku til að velta málinu fyrir sér og fóru þau fram á afsökunarbeiðni vegna málsins.
Sjá nánar: Jón Baldvin og Bryndís hyggjast stefna RÚV:„Sorpblaðamennska – á kostnað skattgreiðenda?“
„Við teljum að umfjöllunin sé eðlileg og að fréttagildi hennar hafi verið ótvírætt. Þetta byggir á frásögnum margra kvenna sem birst hafa í fjölmörgum fjölmiðlum að undanförnu. Þannig það er ekkert tilefni til slíks,“
segir Magnús Geir við Fréttablaðið.
„Dagskrárstjórar og fréttastjórar telja sem fyrrfréttagildi málsins vera ótvírætt og eftir rýni er ekkert sem bendir til annars en að vinnu- og siðareglur RÚV hafi verið virtar á öllum stigum,“ segir Magnús en bætir við að telji Jón að á sér hafi verið brotið með umfjölluninni geti hann farið ýmsar leiðir.Við erum alltaf að rýna okkar störf og ef hann telur að á rétti sínum hafi verið brotið getur hann leitað til siðanefndar RÚV en þar eru óháðir aðilar sem geta skoðað málið og athugað hvort að það sé eitthvað athugavert við málið,“
segir Magnús.