Í þingsályktunartillögu um fjarskiptaáætlanir er lagning þriðja gagnastrengsins til Evrópu ekki tímasett sérstaklega. Bæði Samtök iðnaðarins og Samtök atvinnulífsins vilja hraða lagningu nýs sæstrengs, samkvæmt sameiginlegri umsögn samtakanna um tillögu að fjárskiptaáætlun sem til umfjöllunar er í umhverfis- og samgöngunefnd Alþingis. Morgunblaðið greinir frá.

 „Samtökin leggja áherslu á að ráðist verði í fjárhagslega endurskipulagningu á Farice og telja mikilvægt að lagður verði grunnur að nýjum sæstreng fyrr en gert er ráð fyrir þar sem staða gagnatenginga við útlönd dregur úr samkeppnishæfni gagnaversiðnaðar,“

segir Sigríður Mogensen, sviðsstjóri hugverkasviðs Samtaka iðnaðarins.

Þeir tveir sæstrengir sem Ísland reiðir sig á, Farice 1 og Farice 2, eru orðnir 15 ára gamlir. Aldrei hefur orðið bilun á þeim í sjó og er afkastageta þeirra sögð duga oss í mörg ár í viðbót. Hinsvegar er talið að bilanatíðni muni aukast á næstu árum, sem geti leitt til gagnrofs, samkvæmt umsögn samtakanna.

Samkvæmt áætluninni er það markmiðið að þrír sæstrengir tengi Ísland við Evrópu frá þremur mismunandi landtökustöðum, en nýr strengur er sagður eiga að liggja frá suðurströnd Íslands til Írlands, en þær áætlanir eru ekki tímasettar.

„Ef Íslandi er alvara með að efla gagnaversiðnaðinn þarf að efla gagnatengingarnar, meðal annars með lagningu nýs sæstrengs,“

segir Sigríður.