fbpx
Laugardagur 16.febrúar 2019
Eyjan

Lækkun hámarkshraða á Hringbraut geri lítið gagn

Ritstjórn Eyjunnar
Mánudaginn 11. febrúar 2019 11:11

Ekki missa af Helstu tíðindum dagsins í pósthólfið þitt

Lesa nánar

Borgarstjórn Reykjavíkur ákvað á dögunum að lækka hámarkshraðann á Hringbraut og nágrennis úr 50 í 40 kílómetra hraða. Var það gert í kjölfar slyss fyrr í vetur við gatnamótin á Meistaravöllum. Ákvörðun borgarstjórnar var tekin með samþykki lögreglustjóra og Vegagerðarinnar, en hans samþykki þarf að liggja til grundvallar þar sem Hringbrautin er þjóðvegur í þéttbýli.

G. Pétur Matthíasson, upplýsingafulltrúi Vegagerðarinnar, sagði við Eyjuna að skoðun Vegagerðarinnar væri ekki sú að hámarkshraðinn væri helsta vandamálið á þessum stað:

„Það er þannig að lögreglan hefur ekki verið ginkeypt fyrir að lækka hraða, heldur að halda honum þannig að raunhæft sé að framfylgja honum. Samkvæmt mælingum lögreglu er hraðinn á þessum slóðum í kringum 45 þannig að við teljum ekki að hraðinn sé vandamálið. Við erum þeirrar skoðunar að menn verði að skoða gaumgæfilega raunverulega ástæðu slysa og reyna að horfa á hlutina í heild sinni. Það þarf líka að skoða lýsingu, merkingar og gönguljósin sjálf til að auka öryggi gangandi vegfarenda.“

Í þessu ljósi er því ákvörðun borgarstjórnar nokkuð hjákátleg, ef lækkunin á hámarkshraðanum var í raun ekki vandamálið. Í ljós hefur komið að raunlækkunin nemur aðeins um 5 kílómetrum á klukkustund, úr 45 í 40.

Bætir ekki öryggi

Ólafur Kr. Guðmundsson, sérfræðingur í umferðaröryggismálum og varaborgarfulltrúi Sjálfstæðisflokksins hefur talað á svipuðum nótum allt frá því að greint var frá slysinu í janúar. Hann segir við Morgunblaðið í dag að lækkun hámarkshraða hafi ekkert að segja:

„Mér líst ekkert á þessa fyrirhuguðu breytingu og fyrir því eru einkum tvær ástæður; það er verið að taka upp nýtt hraðaþrep í landinu, án nokkurrar umræðu eða samráðs, auk þess sem þessi aðgerð mun ekki á nokkurn hátt bæta öryggi gangandi vegfarenda.“

Þess má geta að tillagan um lækkunina var samþykkt af öllum 23 borgarfulltrúum, einnig Sjálfstæðisflokknum.

Ólafur segist hinsvegar að vandamálið felist í gönguljósunum sjálfum:

„Vandi Hringbrautar er ekki hraðatengdur og þetta slys var ekki vegna hraðaksturs. Staðreyndin í þessu máli er að einhver fór yfir á rauðu ljósi eða þá að ljósin sjálf eru biluð,“ segir Ólafur og bendir á að umrædd gönguljós séu annars eðlis en þau sem borgarbúar eru flestir vanir. „Þessi ljós eru ekki með rauðum og grænum karli til móts við hinn gangandi vegfaranda. Að mínu viti eru þetta gölluð ljós sem ættu ekki að finnast í Reykjavík,“

segir Ólafur, en enginn rauður eða grænn „karl“ er til merkis um að ganga megi yfir götuna á þessum ljósum, líkt og á öðrum ljósum sem fólk á að venjast:

„Þarna eru bæði bílar og stór blómapottur sem kemur í veg fyrir að ökumenn sjái börn sem eru líkleg til að stíga út á götu. Góð byrjun til að bæta öryggi væri einfaldlega að henda þessum blómapotti og fórna einu til tveimur bílastæðum,“

Bætir Ólafur við og segir að einnig mætti bæta lýsingu á staðnum. Hann segir slysið í janúar það fyrsta í langan tíma:

„Þetta slys sem nú átti sér stað í janúar er fyrsta slysið á gangandi vegfaranda á Hringbraut í langan tíma. Það var til að mynda ekkert slys árin 2017 og 2018. Og í raun er Hringbraut að koma vel út hvað varðar hraða og hraðabrot borin saman við aðrar götur í Reykjavík.“

 

Sjá einnigGísli Marteinn vill ekki göngubrú á Hringbraut:„Það er bara ein lausn á þessu máli“

Sjá einnig: Hildur gefur lítið fyrir hugmyndir Ólafs:„Mér finnst það ekki í lagi“

Sjá einnig: Líf boðar róttækar umbætur: „Í mínum huga á að draga úr umferðarhraða á Hringbraut“

Sjá einnig: Ólafur skýtur niður umbótahugmyndir Lífar:„Þetta hefur ekkert með hraðann að gera“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 22 klukkutímum

Hörður kallar eftir leiðréttingu: „Hér hefur orðið meiriháttar dómgreindarbrestur“

Hörður kallar eftir leiðréttingu: „Hér hefur orðið meiriháttar dómgreindarbrestur“
Eyjan
Í gær

Sönn hetja úr blaðamannastétt – og svo annar sem var argasti lygari

Sönn hetja úr blaðamannastétt – og svo annar sem var argasti lygari
Eyjan
Í gær

Erna Ýr óánægð með að Blaðamannafélagið hafi ekki fjallað um mál hennar og Snæbjarnar

Erna Ýr óánægð með að Blaðamannafélagið hafi ekki fjallað um mál hennar og Snæbjarnar
Eyjan
Í gær

Vísar lögbroti Reykjavíkurborgar til dómsmálaráðuneytisins: „Vil vita hvort þessar kosningar hafi verið lögmætar“

Vísar lögbroti Reykjavíkurborgar til dómsmálaráðuneytisins: „Vil vita hvort þessar kosningar hafi verið lögmætar“
Eyjan
Fyrir 2 dögum

Þetta kostar hringferð Sjálfstæðisflokksins skattgreiðendur á Íslandi – Ferðast um á VIP rútu

Þetta kostar hringferð Sjálfstæðisflokksins skattgreiðendur á Íslandi – Ferðast um á VIP rútu
Eyjan
Fyrir 2 dögum

Arnarlax heldur starfsleyfinu

Arnarlax heldur starfsleyfinu
Eyjan
Fyrir 2 dögum

Segir hagnaðardrifin leigufélög nauðsynleg og spyr hvort „ofsinn“ á netinu leiði til hærri leigu

Segir hagnaðardrifin leigufélög nauðsynleg og spyr hvort „ofsinn“ á netinu leiði til hærri leigu
Eyjan
Fyrir 2 dögum

Íslenskum stjórnvöldum sagt að virða niðurstöðu EFTA dómstólsins – Hafa tvo mánuði til að bregðast við

Íslenskum stjórnvöldum sagt að virða niðurstöðu EFTA dómstólsins – Hafa tvo mánuði til að bregðast við