fbpx
Laugardagur 16.febrúar 2019
Eyjan

Forstöðumaður Minjastofnunar hótaði að loka fyrir hótelinnganginn með styttunni af Skúla fógeta

Ritstjórn Eyjunnar
Mánudaginn 11. febrúar 2019 15:20

Samsett mynd DV

Ekki missa af Helstu tíðindum dagsins í pósthólfið þitt

Lesa nánar

Nokkur styr hefur staðið um Landssímareitinn og fyrirhugaðar framkvæmdir þar á vegum Lindarvatns ehf., sem hyggst reisa þar hótel í nafni Icelandair, en undir merkjum Curio by Hilton. Minjastofnun greip til þess ráðs að skyndifriðlýsa þann hluta reitsins sem Víkurkirkjugarður stóð, í janúar.

Minjastofnun var ósátt við að einn af þremur inngöngum inn á hótelið skyldi snúa að Víkurkirkjugarðinum, (nú Fógetagarðinum) sem stóð þar þangað til ársins 1838, en inngangurinn vísar í áttina að Aðalstræti.

Jóhannes Stefánsson, framkvæmdastjóri Lindarvatns, sagði í Bítinu á Bylgjunni í morgun að forstöðumaður Minjastofnunar, Kristín Huld Sigurðardóttir, hefði á fundi um málið í fyrra, hótað því að beita sér með all- sérstæðum hætti, yrði kröfum Minjastofnunar ekki fylgt eftir:

„Þá sagði forstöðumaður Minjastofnunar og lét hafa það eftir sér og það kemur fram í fundargerð, að ef við myndum ekki færa þennan inngang, myndi hún sjá til þess að stofnunin myndi láta færa styttuna af Skúla fógeta fyrir innganginn. Þetta er forstöðumaður ríkisstofnunar að láta hafa eftir sér, hún hefur reyndar ekki látið viljað tjá sig um þetta við fjölmiðla ennþá, en þetta er allt mjög athyglisvert, svo ekki sé meira sagt,“

sagði Jóhannes í morgun.

Vonandi um grín að ræða

Eyjan innti Kristínu eftir þessum ummælum í dag, en hún vildi ekki tjá sig um málið að svo stöddu.

Eyjan hefur undir höndum fundargerðina frá 30. október 2018 þar sem Kristín lét eftirfarandi ummæli falla:

BÓ er lögmaðurinn Bjarnfreður Ólafsson, einn eiganda lögfræðistofunnar Logos, sem vann að málinu fyrir Minjastofnun. KHS er Kristín Huld og JS er Jóhannes Stefánsson.

Milljarðar gætu fallið á ríkið

Jóhannes sagði einnig að ef til þess kæmi að hætt yrði við framkvæmdirnar, væri ríkið skaðabótaskylt samkvæmt lögum, en talið er að kostnaður framkvæmdanna sé um tveir milljarðar, samkvæmt heimildum Viðskiptablaðsins. Byggingarreiturinn sjálfur er í eigu Lindarvatns ehf., sem er í eigu Dalsness ehf. og Icelandair Group hf.

Mennta- og menningarmálaráðherra, Lilja Alfreðsdóttir, þarf að taka ákvörðun um friðlýsingu Minjastofnunar fyrir 18. febrúar, en borgarlögmaður hefur gert fjölda athugasemda við friðlýsinguna.

Sjá nánar: Minjastofnun gagnrýnd af borgarlögmanni vegna skyndifriðunar

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 22 klukkutímum

Hörður kallar eftir leiðréttingu: „Hér hefur orðið meiriháttar dómgreindarbrestur“

Hörður kallar eftir leiðréttingu: „Hér hefur orðið meiriháttar dómgreindarbrestur“
Eyjan
Í gær

Sönn hetja úr blaðamannastétt – og svo annar sem var argasti lygari

Sönn hetja úr blaðamannastétt – og svo annar sem var argasti lygari
Eyjan
Í gær

Erna Ýr óánægð með að Blaðamannafélagið hafi ekki fjallað um mál hennar og Snæbjarnar

Erna Ýr óánægð með að Blaðamannafélagið hafi ekki fjallað um mál hennar og Snæbjarnar
Eyjan
Í gær

Vísar lögbroti Reykjavíkurborgar til dómsmálaráðuneytisins: „Vil vita hvort þessar kosningar hafi verið lögmætar“

Vísar lögbroti Reykjavíkurborgar til dómsmálaráðuneytisins: „Vil vita hvort þessar kosningar hafi verið lögmætar“
Eyjan
Fyrir 2 dögum

Þetta kostar hringferð Sjálfstæðisflokksins skattgreiðendur á Íslandi – Ferðast um á VIP rútu

Þetta kostar hringferð Sjálfstæðisflokksins skattgreiðendur á Íslandi – Ferðast um á VIP rútu
Eyjan
Fyrir 2 dögum

Arnarlax heldur starfsleyfinu

Arnarlax heldur starfsleyfinu
Eyjan
Fyrir 2 dögum

Segir hagnaðardrifin leigufélög nauðsynleg og spyr hvort „ofsinn“ á netinu leiði til hærri leigu

Segir hagnaðardrifin leigufélög nauðsynleg og spyr hvort „ofsinn“ á netinu leiði til hærri leigu
Eyjan
Fyrir 2 dögum

Íslenskum stjórnvöldum sagt að virða niðurstöðu EFTA dómstólsins – Hafa tvo mánuði til að bregðast við

Íslenskum stjórnvöldum sagt að virða niðurstöðu EFTA dómstólsins – Hafa tvo mánuði til að bregðast við