fbpx
Laugardagur 16.febrúar 2019
Eyjan

Verður Miðflokkurinn stærsti stjórnarandstöðuflokkurinn á þingi?

Egill Helgason
Sunnudaginn 10. febrúar 2019 12:12

Ekki missa af Helstu tíðindum dagsins í pósthólfið þitt

Lesa nánar

Þórhildur Sunna Ævarssdóttir, þingflokksformaður Pírata, Miðflokkurinn sé orðinn „fjórða hjólið“ undir ríkisstjórninni,  og að nýr meirihluti sé ekki bara að myndast í umhverfis- og samgöngunefnd heldur „víða annars staðar“.

Þetta er kannski ekki alveg nákvæmt. Það hefur svosem lengi lengið fyrir að ákveðinn samhljómur er milli Miðflokksins og vissa afla innan ríkisstjórnarinnar – sérstaklega hópa manna í Sjálfstæðisflokknum. Miðflokkurinn er klofningur úr Framsóknarflokki – og áherslur varðandi t.d. byggða- og landbúnaðarmál eru býsna keimlikar. Það hefur ekkert breyst.

Og Miðflokkurinn er andsnúinn aðild að ESB rétt eins og allir stjórnarflokkarnir. Og hann gerir nokkuð út á tortryggni gagnvart EES samningnum sem er að finna víða í stjórnarliðinu,

Þannig að málefnalegir snertifletir eru víða – og það er ekkert nýtt. Hins vegar eru afar litlir kærleikar milli þorra þingmanna úr stjórnarliðinu og Miðflokksins. Það á einkum við um Vinstri græn og Framsóknarflokkinn. Í raun hefur Klausturmálið fækkað möguleikum á því að mynda ríkisstjórn og þannig aukið líkurnar á að núverandi stjórn sitji út kjörtímabilið.

Það er ljóst að Klausturmálið er í raun að fara miklu verr með stjórnarandstöðuna en ríkisstjórnina. Stjórnin hefur í raun átt frekar náðuga daga meðan það hefur gengið yfir og náð að koma nokkrum umdeildum málum í gegn með lágmarksumræðu.

Stjórnarandstaðan er hins vegar einstaklega tætingsleg. Samfylkingin og Píratar standa þétt saman í öllum málum – Samfylkingin hefur 7 þingmenn en Samfylkingin 7. Eftir Klaustursmálið hafa Inga Sæland og Guðmundur Ingi Kristinsson úr Flokki fólksins færst aðeins nær þeim – hin málefnalega samleið er samt nokkuð takmörkuð. Og svo er Viðreisn með sína 4 þingmenn.

Allt bendir til þess að hinir brottreknu þingmenn Flokks fólksins, Ólafur Ísleifsson og Karl Gauti Hjaltason, gangi brátt til liðs við Miðflokkinn. Þá bætast 2 þingmenn við 7 þingmenn Miðflokksins. Samanlagt verða það 9 þingmenn – sem þýðir einfaldlega að Miðflokkurinn verður stærsti stjórnarandstöðuflokkurinn á þingi.

En staðan er semsagt sú í stjórnarandstöðunni að það eru fylkingar sem talast ekki við og litlar líkur á að það breytist í bráð. Samstarf sem þó var með stjórnarandstöðuflokkunum í upphafi þings er sprungið í loft upp.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 23 klukkutímum

Hörður kallar eftir leiðréttingu: „Hér hefur orðið meiriháttar dómgreindarbrestur“

Hörður kallar eftir leiðréttingu: „Hér hefur orðið meiriháttar dómgreindarbrestur“
Eyjan
Í gær

Sönn hetja úr blaðamannastétt – og svo annar sem var argasti lygari

Sönn hetja úr blaðamannastétt – og svo annar sem var argasti lygari
Eyjan
Í gær

Erna Ýr óánægð með að Blaðamannafélagið hafi ekki fjallað um mál hennar og Snæbjarnar

Erna Ýr óánægð með að Blaðamannafélagið hafi ekki fjallað um mál hennar og Snæbjarnar
Eyjan
Í gær

Vísar lögbroti Reykjavíkurborgar til dómsmálaráðuneytisins: „Vil vita hvort þessar kosningar hafi verið lögmætar“

Vísar lögbroti Reykjavíkurborgar til dómsmálaráðuneytisins: „Vil vita hvort þessar kosningar hafi verið lögmætar“
Eyjan
Fyrir 2 dögum

Þetta kostar hringferð Sjálfstæðisflokksins skattgreiðendur á Íslandi – Ferðast um á VIP rútu

Þetta kostar hringferð Sjálfstæðisflokksins skattgreiðendur á Íslandi – Ferðast um á VIP rútu
Eyjan
Fyrir 2 dögum

Arnarlax heldur starfsleyfinu

Arnarlax heldur starfsleyfinu
Eyjan
Fyrir 2 dögum

Segir hagnaðardrifin leigufélög nauðsynleg og spyr hvort „ofsinn“ á netinu leiði til hærri leigu

Segir hagnaðardrifin leigufélög nauðsynleg og spyr hvort „ofsinn“ á netinu leiði til hærri leigu
Eyjan
Fyrir 2 dögum

Íslenskum stjórnvöldum sagt að virða niðurstöðu EFTA dómstólsins – Hafa tvo mánuði til að bregðast við

Íslenskum stjórnvöldum sagt að virða niðurstöðu EFTA dómstólsins – Hafa tvo mánuði til að bregðast við