fbpx
Laugardagur 16.febrúar 2019
Eyjan

Eyborg

Egill Helgason
Sunnudaginn 10. febrúar 2019 16:14

Ekki missa af Helstu tíðindum dagsins í pósthólfið þitt

Lesa nánar

Margir listamenn hafa haldið sýningar á Mokka, en aðeins eitt listaverk hefur orðið þar eftir. Það er verk sem var á sýningu Eyborgar Guðmundsdóttur á kaffihúsinu 1966, en hefur hangið í glugganum á Mokka alla tíð síðan þá.

Ég var áður fastagestur á Mokka og hélt löngum að verkið væri eftir Hörð Ágústsson, en nei, það er misskilningur – það er eftir Eyborgu.

Sjálfur man ég eftir Eyborgu úr bernsku. Hún var vinkona móðursystur minnar, sem bjó í sama húsi og fjölskylda mín, og kom þangað stundum í heimsókn. Þetta var kona sem maður tók eftir – ég man að mér þótti mikið til þess koma að hún væri myndlistarmaður og mér þóttu verkin hennar flott þótt ég hefði ekki djúpan skilning á geometrískri list eða flatarmálslist.

Og mér þótti líka nafn hennar skrítið. Þetta var á tímanum þegar flestir hétu Jón eða Gunna, samkvæmt Íslendingabók hafa aðeins fimm konur borið nafnið Eyborg.

Eyborg dó langt fyrir aldur fram.

 

En nú er tími til að enduruppgötva list hennar. Listýnirinn  Jón B.K. Ransu hefur kallað hana vanmetnasta listamann Íslands. En nú hefur opnað á Kjarvalsstöðum yfirlitssýning á verkum hennar. Ferill Eyborgar er mjög sérstakur. Hún er alin upp á afskekktum stað, í Ingólfsfirði á Ströndum. Fór í skóla á Laugarvatni en veiktist og þurfti að liggja tvö ár á Vífilsstöðum.

Hún settist að í Reykjavík 1945 og starfaði á skrifstofu hjá Búnaðarfélagi Íslands. Á starfstíma sínum þar fór hún að mála í frístundum – 1959 tók hún sig til og flutti til Parísar. Þar bjó hún í sex ár, fann sig ekki í skólanámi en naut leiðsagnar hjá heimsfrægum listamanni, Victor Vaserely. Í mjög skemmtilegu viðtali sem birtist við Eyborgu í Alþýðublaðinu 1966 sagði hún:

„Ég hef eiginlega aldrei verið í skóla, það fór allt í hundana eins og ég sagði þér. Ég hef heldur aldrei verið á Akademíu og þess vegna halda sumir vinir mínir að ég kunni ekki að teikna mynd af ketti, af því að ég hef enga þörf fyrir að sanna þeim að ég kunni að teikna kött. En það eru sjálfsagt margir sem teikna kattarmynd betur en ég. Það lærir enginn að verða málari — tæknihliðina, jú, en ekki hitt að skapa mynd. Ég vona að þetta sé nógu skilmerkilega að orði komizt. Ég er ekki sérlega orðfim um myndlist; hef aldrei álitið það nauðsynlegt að útskýra myndirnar mínar eða það sem ég álít að verkið segi sjálft með því að vera til.“

Eyborg hélt sig alla tíð við flatarmálslistina. Hún hélt þrjár einkasýningar á Íslandi eftir komuna heim frá París. Sú síðasta var í Norræna húsinu 1975. Hún dó 1977, aðeins 53 ára. Hér er Facebook-síða um hana og verk hennar.  Og svona lítur hún út myndin eftir hana sem hangir á Mokka og verður þar vonandi til eilífðarnóns. Því á Mokka hreyfist tíminn hægt.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Eyjan
Fyrir 10 klukkutímum
Eyborg

Mest lesið

Ekki missa af

Eyjan
Fyrir 22 klukkutímum

Hörður kallar eftir leiðréttingu: „Hér hefur orðið meiriháttar dómgreindarbrestur“

Hörður kallar eftir leiðréttingu: „Hér hefur orðið meiriháttar dómgreindarbrestur“
Eyjan
Í gær

Sönn hetja úr blaðamannastétt – og svo annar sem var argasti lygari

Sönn hetja úr blaðamannastétt – og svo annar sem var argasti lygari
Eyjan
Í gær

Erna Ýr óánægð með að Blaðamannafélagið hafi ekki fjallað um mál hennar og Snæbjarnar

Erna Ýr óánægð með að Blaðamannafélagið hafi ekki fjallað um mál hennar og Snæbjarnar
Eyjan
Í gær

Vísar lögbroti Reykjavíkurborgar til dómsmálaráðuneytisins: „Vil vita hvort þessar kosningar hafi verið lögmætar“

Vísar lögbroti Reykjavíkurborgar til dómsmálaráðuneytisins: „Vil vita hvort þessar kosningar hafi verið lögmætar“
Eyjan
Fyrir 2 dögum

Þetta kostar hringferð Sjálfstæðisflokksins skattgreiðendur á Íslandi – Ferðast um á VIP rútu

Þetta kostar hringferð Sjálfstæðisflokksins skattgreiðendur á Íslandi – Ferðast um á VIP rútu
Eyjan
Fyrir 2 dögum

Arnarlax heldur starfsleyfinu

Arnarlax heldur starfsleyfinu
Eyjan
Fyrir 2 dögum

Segir hagnaðardrifin leigufélög nauðsynleg og spyr hvort „ofsinn“ á netinu leiði til hærri leigu

Segir hagnaðardrifin leigufélög nauðsynleg og spyr hvort „ofsinn“ á netinu leiði til hærri leigu
Eyjan
Fyrir 2 dögum

Íslenskum stjórnvöldum sagt að virða niðurstöðu EFTA dómstólsins – Hafa tvo mánuði til að bregðast við

Íslenskum stjórnvöldum sagt að virða niðurstöðu EFTA dómstólsins – Hafa tvo mánuði til að bregðast við