fbpx
Laugardagur 16.febrúar 2019
Eyjan

Súrrealísk útgáfa af enska búningadramanu – ætti að vinna mörg Óskarsverðlaun

Egill Helgason
Laugardaginn 9. febrúar 2019 14:14

Ekki missa af Helstu tíðindum dagsins í pósthólfið þitt

Lesa nánar

Kvikmyndin The Favourite kemst býsna nálægt því að vera snilldarverk. Þarna er tekinn mjög sérstakur snúningur á hinni hefðbundnu ensku búningamynd sem flestir áhorfendur þekkja vel – bæði úr sjónvarpi og kvikmyndahúsum. En í meðförum gríska leikstjórans Yorgos Lanthimos verður hún undarlegt og hálf súrrealískt sjónarspil.

Það eru þrjár konur sem eru aðalpersónurnar í myndinni, drottningin Anna sem er þjáð af gigt og er hálf utanveltu  – Anna var einstaklega óhamingjusamur þjóðhöfðingi í raunveruleikanum – og tvær hirðkonur sem keppa um hylli hennar með alls kyns undirferli og óþokkabrögðum. Konurnar eru snilldarlega leiknar af Olivia Colman, Rachel Weisz og Emma Stone. Það kynlíf sem er stundað er meira og minna í pólitískum tilgangi – til að ná aðeins meiri frama.

Karlarnir í myndinni eru annað hvort spilltir eða blábjánar, nema hvort tveggja sé. Að hætti barokktímans eru þeir uppábúnir eins og páfuglar, með máluð andlit og stórar hárkollur. Þetta er tími háaðalsins – alþýða manna er eins og hvert annað rusl enginn hirðir neitt um.

Fánýtið og fáránleikinn endurspeglast í leikjunum sem hirðin tekur upp á til að bægja frá leiðanum. Gangar hallanna eru endalausir og allt fullt af glingri. Eitt af undrum myndarinnar út frá sjónarmiði kvikmyndalistarinnar er hvernig atriði á endalausum göngum og herbergjum hallar drottningar eru lýst einungis með kertaljósum.

The Favourite er tilnefnd til tíu Óskarsverðlauna. Þar á meðal eru leikkonurnar þrjár, leikstjórinn, kvikmyndatökumaðurinn Robbie Ryan, sviðs- og búningahönnuðir. Í réttlátum heimi hirðir hún fullt af verðlaunum – þetta er kvikmyndin sem skarar fram úr ásamt Roma eftir Alfonso Cuarón.

Myndin er sýnd í Háskólabíói – en einungis á tveimur sýningum daglega.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 22 klukkutímum

Hörður kallar eftir leiðréttingu: „Hér hefur orðið meiriháttar dómgreindarbrestur“

Hörður kallar eftir leiðréttingu: „Hér hefur orðið meiriháttar dómgreindarbrestur“
Eyjan
Í gær

Sönn hetja úr blaðamannastétt – og svo annar sem var argasti lygari

Sönn hetja úr blaðamannastétt – og svo annar sem var argasti lygari
Eyjan
Í gær

Erna Ýr óánægð með að Blaðamannafélagið hafi ekki fjallað um mál hennar og Snæbjarnar

Erna Ýr óánægð með að Blaðamannafélagið hafi ekki fjallað um mál hennar og Snæbjarnar
Eyjan
Í gær

Vísar lögbroti Reykjavíkurborgar til dómsmálaráðuneytisins: „Vil vita hvort þessar kosningar hafi verið lögmætar“

Vísar lögbroti Reykjavíkurborgar til dómsmálaráðuneytisins: „Vil vita hvort þessar kosningar hafi verið lögmætar“
Eyjan
Fyrir 2 dögum

Þetta kostar hringferð Sjálfstæðisflokksins skattgreiðendur á Íslandi – Ferðast um á VIP rútu

Þetta kostar hringferð Sjálfstæðisflokksins skattgreiðendur á Íslandi – Ferðast um á VIP rútu
Eyjan
Fyrir 2 dögum

Arnarlax heldur starfsleyfinu

Arnarlax heldur starfsleyfinu
Eyjan
Fyrir 2 dögum

Segir hagnaðardrifin leigufélög nauðsynleg og spyr hvort „ofsinn“ á netinu leiði til hærri leigu

Segir hagnaðardrifin leigufélög nauðsynleg og spyr hvort „ofsinn“ á netinu leiði til hærri leigu
Eyjan
Fyrir 2 dögum

Íslenskum stjórnvöldum sagt að virða niðurstöðu EFTA dómstólsins – Hafa tvo mánuði til að bregðast við

Íslenskum stjórnvöldum sagt að virða niðurstöðu EFTA dómstólsins – Hafa tvo mánuði til að bregðast við