fbpx
Laugardagur 16.febrúar 2019
Eyjan

Segir endurskoðun stjórnarskrár „bjartsýnt“ verkefni – Skot á Bjarna Ben ?

Ritstjórn Eyjunnar
Laugardaginn 9. febrúar 2019 09:00

Katrín Jakobsdóttir.

Ekki missa af Helstu tíðindum dagsins í pósthólfið þitt

Lesa nánar

Afmælishátíð VG er nú um helgina, en flokkurinn fagnar 20 ára afmæli. Katrín Jakobsdóttir, formaður og forsætisráðherra, hélt ræðu í gær þar sem hún kom inn á heildarendurskoðun stjórnarskrárinnar, en Katrín segir það „bjartsýnt verkefni“ að ná fundi með formönnum stjórnmálaflokkanna mánaðarlega.

Hún tekur fram að „þrátt fyrir bókanir allra aðila með margháttuðum athugasemdum um mismunandi skoðanir ólíkra flokka“ sé hún bjartsýn, en þá setningu mætti skilja sem skot á Bjarna Benediktsson:

„Að lokum hlýt ég að nefna það bjartsýna verkefni að loka formenn stjórnmálaflokkanna mánaðarlega inni í herbergi til að vinna að heildarendurskoðun stjórnarskrárinnar. Þar liggur undir áætlun um að verkefninu verði lokið á tveimur kjörtímabilum. Verkefnið er á áætlun og þrátt fyrir bókanir allra aðila með margháttuðum athugasemdum um mismunandi skoðanir ólíkra flokka leyfi ég mér enn að vera bjartsýn á að við náum fram jákvæðum breytingum á stjórnarskrá á þessu kjörtímabili í þeim anda sem við höfum rætt á undanförnum áratug. Ég hlýt að nefna sérstaklega ákvæði um auðlindir í þjóðareign og ákvæði um umhverfisvernd sem lengi hafa verið okkar baráttumál.“

Bjarni á öndverðum meiði – þvert gegn stjórnarsáttmála

Í þessu samhengi má rifja upp orð Bjarna Benediktssonar, fjármálaráðherra og formann Sjálfstæðisflokksins, sem síðast í desember taldi slíka endurskoðun stjórnarskrárinnar alls ekki nauðsynlega, þó svo að stjórnarsáttmálinn kveði mjög skýrt á um að svo skuli gert.

Bjarni lét bóka eftirfarandi á fundi stjórnarskrárnefndarinnar í október:

„Formaður Sjálfstæðisflokksins vill láta færa til bókar í tilefni af öðrum bókunum sem fram hafi komið á undanförnum fundum að hann telji að ekki sé þörf fyrir heildarendurskoðun stjórnarskrárinnar heldur sé ráð að vinna áfram með þessi helstu ákvæði, auðlindir, umhverfi, þjóðaratkvæði og framsalsákvæði. Hann beri samt virðingu fyrir að menn sjái þetta með mismunandi hætti en hann telji að hópurinn sé kominn á kaf í umræðu um atriði sem séu fyrir utan það sem hann telji þörf á að ræða.“

Sjá nánarBjarni gengur þvert gegn stjórnarsáttmálanum:Telur ekki lengur þörf á heildarendurskoðun stjórnarskrárinnar

Það er engin nýlunda að Bjarni og Sjálfstæðisflokkurinn leggist gegn slíkri endurskoðun, það hefur verið viðkvæðið frá því strax eftir hrun.

Samkvæmt könnun MMR frá því í október telja alls 52 landsmanna mikilvægt að fái nýja stjórnarskrá. Alls 34 prósent töldu það mjög mikilvægt og 18 prósent sögðu það frekar mikilvægt.

Að sama skapi vildu 19 prósent það hvorki mikilvægt né lítilvægt, 11 prósent töldu það frekar lítilvægt og 18 prósent sögðu það mjög lítilvægt að fá nýja stjórnarskrá.

 

 

.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 22 klukkutímum

„Er ekki komið að þeim að segja frá því sem þeir vissu um athafnir Jóns Baldvins Hannibalssonar?“

„Er ekki komið að þeim að segja frá því sem þeir vissu um athafnir Jóns Baldvins Hannibalssonar?“
Eyjan
Fyrir 23 klukkutímum

Hörður kallar eftir leiðréttingu: „Hér hefur orðið meiriháttar dómgreindarbrestur“

Hörður kallar eftir leiðréttingu: „Hér hefur orðið meiriháttar dómgreindarbrestur“
Eyjan
Í gær

Sjáðu laun bankastjóranna í samhengi við afkomu bankanna – Fær Lilja þriðju launahækkunina ?

Sjáðu laun bankastjóranna í samhengi við afkomu bankanna – Fær Lilja þriðju launahækkunina ?
Eyjan
Fyrir 2 dögum

Þetta kostar hringferð Sjálfstæðisflokksins skattgreiðendur á Íslandi – Ferðast um á VIP rútu

Þetta kostar hringferð Sjálfstæðisflokksins skattgreiðendur á Íslandi – Ferðast um á VIP rútu