Stígamót birtu í dag skopmynd á Facebook sem nær að kjarna umræðuna um Klaustursmálið og ásakarnirnar á hendur Jóni Baldvin Hannibalssyni, furðu vel, alltént gagnvart þeim sem kalla eftir ábyrgð frá Klaustursþingmönnunum og hinum aldna leiðtoga íslenskra jafnaðarmanna, líkt og Jón Baldvin hefur verið nefndur.
Til er það fólk sem heldur því fram að um einhverskonar samsæri sé að ræða í báðum þessum málum og að ásakanirnar á hendur Jóni tengist jafnvel þriðja orkupakkanum og skoðun Jóns Baldvins á honum, eins furðulega og það nú hljómar.
Þá töldu Klaustursþingmenn Miðflokksins að uppljóstrarinn Bára Halldórsdóttir, hefði dulbúið sig sem erlendan ferðamann kvöldið örlagaríka, þegar fúkyrðaflaumurinn flaug úr munni þeirra,
en af mynd sem tekin var af Báru sama dag er erfitt að dæma um hvort sá klæðnaður sé eitthvað sérstaklega „túristalegur“.
