Afar sérstæð en umdeild uppákoma varð á Alþingi í gær þegar tveir þingmenn Pírata, Björn Leví Gunnarsson og Þórhildur Sunna Ævarsdóttir, stilltu sér upp við hlið Bergþórd Ólasonar, þingmanns Pírata, með húfur mertkar átakinu „Fokk ofbeldi“ á höfðinu. Bergþór er einn þeirra þingmanna sem mest áberandi voru í Klaustursupptökunum.
Einari Bárðarsyni er ekki skemmt og lætur óánægju sína í ljós á samskiptamiðlum en hann er eiginmaður Áslaugar Thelmu sem gegndi stjórnunarstöðu hjá dótturfyrirtæki OR, Orku náttúrunnar en hún var rekin skömmu eftir að hún kvartaði undan óviðeigandi framkomu þáverandi framkvæmdastjóra ON.
Einari finnst um tvískinnungshátt sé að ræða og Píratar hafi ekkert gert til að hjálpa konu hans. Einar segir:
„Í fullri virðingu þá voru þeir ekki svona brattir Píratarnir í Borgarmeirihlutanum þegar þau sátu þegjandi hjá og samþykktu leikþáttinn sem forstjóri OR (starfandi og óstarfandi), Borgarstjórinn og Formaður Borgarráðs settu á svið hjá OR og ON fyrir jól. Þá var FO húfan væntanlega á kafi uppí samviskunni á þeim.“
Þá segir Einar einnig:
„Guð blessi þingið og vonandi að Bergþóri og Pírötum takist nú í eitt skipti fyrir öll að efna kosningaloforðið um að ná virðingu Alþingis uppá hærra plan. Kannski með því að segja bara af sér og drulla sér heim.“
Einar bætir við að lokum:
„Annars er ég fínn en djöfull fer svona tvískinnungsháttur í taugarnar á mér.“