fbpx
Laugardagur 16.febrúar 2019
Eyjan

Varaforsetinn sem hafði öll völd – og stuðningurinn við Íraksstríðið

Egill Helgason
Laugardaginn 2. febrúar 2019 19:15

Ekki missa af Helstu tíðindum dagsins í pósthólfið þitt

Lesa nánar

Vice, kvikmyndin um stjórnálaferil Dicks Cheney, er eins og pólitísk revía. Þarna er sögmaður sem við vitum lengi ekki hver er en fer inn og út úr myndinni. Stundum tala leikarar beint í myndavélina. Það eru settar upp skýringarmyndir til að leggja áherslu á einhver atriði. Fleyg orð eru skrifuð á tjaldið. Þetta er í ýkjustíl – það er skrítið að sjá hvernig Christian Bale hefur breytt sér til að verða nauðalíkur aðalsögupersónunni. Stundum minnir þetta nánast á firrðaráhrif Bertolts Brecht.

Þetta er afskaplega pólitísk mynd og henni er fráleitt ætlað að vera hlutlaus. Cheney og félögum hans er lýst sem skúrkum sem svífast einskis. En þeir eru vel skipulagðir, hafa nóg fjármagn, sterka bakhjarla, og þeir vita hvað þeir vilja – völd og aftur völd.

Þeir vilja líka létta sköttum og álögum af ríku fólki, vera í nánu samkrulli við stórfyrirtæki, þeir vilja hafa frjálsar hendur um hvernig þeir stjórna ríkinu, óháð eftirliti, og þeir þrá fyrir alla muni stríð.

Hápunktur myndarinnar er þegar Cheney, Rumsfeld, Wolfowitz tekst að efna til stríðs í Írak. Það er allt á upplognum forsendum. Bush forseti er eins og tuskudúkka í höndum þeirra. Það er ámáttlegt þegar Powell utanríkisráðherra, sem þó virkar eins og ærlegasti maðurinn í hópnum, er gerður út til Sameinuðu þjóðanna með falsaðar upplýsingar um ógnina sem eigi að stafa af Írökum.

Afleiðingin var á endanum að öllu var hleypt í bál og brand. Ofstækismenn eins og Cheney eru betri í að rífa niður en byggja upp. Ballið var rétt að byrja þegar Bush stóð á flugmóðurskipinu og lýsti yfir sigri. Þetta er sýnt í myndinni – og virkar núorðið skelfing harmskoplegt. Ekki er betra þegar glittir í Tony Blair eins og talandi brúðu.

En sem maður situr í kvikmyndasalnum rifjast upp fyrir manni ein staðreynd – að Íslendingar gerðust stuðningsþjóð hernaðarins í Írak. Við tókum þátt í þessu skelfilega gönuhlaupi.

Og maður áttar sig á því að það er tvennt sem hefur farið  með traustið til stjórnmálamanna á Íslandi á þessari öld: Hrunið og þátttakan í Íraksstríðinu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 23 klukkutímum

Hörður kallar eftir leiðréttingu: „Hér hefur orðið meiriháttar dómgreindarbrestur“

Hörður kallar eftir leiðréttingu: „Hér hefur orðið meiriháttar dómgreindarbrestur“
Eyjan
Í gær

Sönn hetja úr blaðamannastétt – og svo annar sem var argasti lygari

Sönn hetja úr blaðamannastétt – og svo annar sem var argasti lygari
Eyjan
Í gær

Erna Ýr óánægð með að Blaðamannafélagið hafi ekki fjallað um mál hennar og Snæbjarnar

Erna Ýr óánægð með að Blaðamannafélagið hafi ekki fjallað um mál hennar og Snæbjarnar
Eyjan
Í gær

Vísar lögbroti Reykjavíkurborgar til dómsmálaráðuneytisins: „Vil vita hvort þessar kosningar hafi verið lögmætar“

Vísar lögbroti Reykjavíkurborgar til dómsmálaráðuneytisins: „Vil vita hvort þessar kosningar hafi verið lögmætar“
Eyjan
Fyrir 2 dögum

Þetta kostar hringferð Sjálfstæðisflokksins skattgreiðendur á Íslandi – Ferðast um á VIP rútu

Þetta kostar hringferð Sjálfstæðisflokksins skattgreiðendur á Íslandi – Ferðast um á VIP rútu
Eyjan
Fyrir 2 dögum

Arnarlax heldur starfsleyfinu

Arnarlax heldur starfsleyfinu
Eyjan
Fyrir 2 dögum

Segir hagnaðardrifin leigufélög nauðsynleg og spyr hvort „ofsinn“ á netinu leiði til hærri leigu

Segir hagnaðardrifin leigufélög nauðsynleg og spyr hvort „ofsinn“ á netinu leiði til hærri leigu
Eyjan
Fyrir 2 dögum

Íslenskum stjórnvöldum sagt að virða niðurstöðu EFTA dómstólsins – Hafa tvo mánuði til að bregðast við

Íslenskum stjórnvöldum sagt að virða niðurstöðu EFTA dómstólsins – Hafa tvo mánuði til að bregðast við