fbpx
Laugardagur 16.febrúar 2019
Eyjan

Ástarbrautin, Sólarlagsbrautin, Gullströndin

Egill Helgason
Laugardaginn 26. janúar 2019 00:36

Ekki missa af Helstu tíðindum dagsins í pósthólfið þitt

Lesa nánar

Þessi ljósmynd er tekin 1975 á veginum milli Reykjavíkur og Seltjanarness – leiðinni meðfram sjónum. Nú er þetta kallað Eiðsgrandi en þó finnst manni eins og það hafi heitað Eiðisgrandi. Þetta mál er rakið í blaðagrein í Tímanum 1981, það var þá að húsbyggingar voru að hefjast fyrir alvöru á svæðinu. Segir að Reykjavíkingar hafi notað nafnið Eiðsgranda en Seltirningar talað um Eiðisgranda. Nafnið sé komið frá bænum Eiði sem stóð á mörkum Seltjarnarness og Reykjavíkur – þar bjó kunnur maður sem var kallaður Meyvant á Eiði.

Sá sem þetta skrifar hefur alltaf talað um Eiðisgranda.

 

 

En við sjáum á þessum myndum  hvað hafa orðið gríðarlegar breytingar á þessu svæði á ekki nema fjórum áratugum. Þarna er sama og engin byggð kringum 1980, en fáum árum síðar, eins og hendi sé veifað, eru mýrarnar  horfnar, það er búið að gera miklar uppfyllingar og risin heil hverfi sitthvoru megin við markalínuna milli bæjarfélaganna. Núna finnst manni eins og þau séu orðin gamalgróin þótt þau teljist kannski seint vera falleg – arkítektúrinn er í stílnum sem kallast brútalismi.

Myndin hér að neðan er tekin af Valhúsahæðinni, rétt fyrir neðan Mýrarhúsaskóla sýnist manni, snemma árs 1981. Mikið af þessu landi voru mýrar sem voru þurrkaðar upp þegar farið var að byggja.

 

 

En aftur að upphafi greinar. Fólk sem komið er á miðjan aldur man líklega að vegurinn meðfram sjónum og út á Nes var stundum kallaður Sólarlagsbrautin, enda fór fólk þangað og fer enn til að horfa á sólina setjast í vestri. Annað nafn sem var notað um þessa leið var Ástarbrautin – uppruni heitisins er líklega tvíþættur, þetta þótti nokkuð rómantískur staður við sólarlagsbil og hins vegar var hægt að stelast þangað til að kyssast og kela, annað hvort fótgangandi eða í bíl.

Enn eitt heiti sem má rifja upp í þessu sambandi er Gullströndin. Þarna voru í eina tíð öskuhaugar Reykjavíkur. Pétur Hoffmann Salómonsson var sérstæður karl sem hélt til við öskuhaugana og fann þar ýmislegt sem honum þótti merkilegt og verðmætt. Hélt sýningar á sumu og seldi jafnvel gripi sem komu upp úr haugunum. Því fór hann að nefna staðinn Gullströndina.

Verður eiginlega að segja að allt eru þetta, Sólarlagsbrautin, Ástarbrautin, Gullströndin, fegurri orð en Eiðsgrandi og Eiðisgrandi.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 22 klukkutímum

Hörður kallar eftir leiðréttingu: „Hér hefur orðið meiriháttar dómgreindarbrestur“

Hörður kallar eftir leiðréttingu: „Hér hefur orðið meiriháttar dómgreindarbrestur“
Eyjan
Í gær

Sönn hetja úr blaðamannastétt – og svo annar sem var argasti lygari

Sönn hetja úr blaðamannastétt – og svo annar sem var argasti lygari
Eyjan
Í gær

Erna Ýr óánægð með að Blaðamannafélagið hafi ekki fjallað um mál hennar og Snæbjarnar

Erna Ýr óánægð með að Blaðamannafélagið hafi ekki fjallað um mál hennar og Snæbjarnar
Eyjan
Í gær

Vísar lögbroti Reykjavíkurborgar til dómsmálaráðuneytisins: „Vil vita hvort þessar kosningar hafi verið lögmætar“

Vísar lögbroti Reykjavíkurborgar til dómsmálaráðuneytisins: „Vil vita hvort þessar kosningar hafi verið lögmætar“
Eyjan
Fyrir 2 dögum

Þetta kostar hringferð Sjálfstæðisflokksins skattgreiðendur á Íslandi – Ferðast um á VIP rútu

Þetta kostar hringferð Sjálfstæðisflokksins skattgreiðendur á Íslandi – Ferðast um á VIP rútu
Eyjan
Fyrir 2 dögum

Arnarlax heldur starfsleyfinu

Arnarlax heldur starfsleyfinu
Eyjan
Fyrir 2 dögum

Segir hagnaðardrifin leigufélög nauðsynleg og spyr hvort „ofsinn“ á netinu leiði til hærri leigu

Segir hagnaðardrifin leigufélög nauðsynleg og spyr hvort „ofsinn“ á netinu leiði til hærri leigu
Eyjan
Fyrir 2 dögum

Íslenskum stjórnvöldum sagt að virða niðurstöðu EFTA dómstólsins – Hafa tvo mánuði til að bregðast við

Íslenskum stjórnvöldum sagt að virða niðurstöðu EFTA dómstólsins – Hafa tvo mánuði til að bregðast við