fbpx
Sunnudagur 17.febrúar 2019
Eyjan

Háskólaprófessor sakaður um kynþáttahyggju og að kynda undir múslimafóbíu: „Sígildur Hannes“

Ritstjórn Eyjunnar
Fimmtudaginn 24. janúar 2019 12:00

Ekki missa af Helstu tíðindum dagsins í pósthólfið þitt

Lesa nánar

Karl Th. Birgisson, ritstjóri Herðubreiðar og fyrrverandi framkvæmdastjóri Samfylkingarinnar, sakar Hannes Hólmstein Gissurarson, stjórnmálafræðiprófessor í Háskóla Íslands, um kynþáttahyggju og að kynda undir múslimafóbíu, með skrifum sínum á Facebook. Hann segir Hannes gjarnan fara í manninn, í stað málefnanna í rökræðum sínum og spyr hvort Hannes sé jafn ákafur að ræða sín einkamál.

Hafa þeir kumpánar löngum eldað saman grátt silfur, en síðast þráttuðu þeir um Stalín og Eimreiðarhópinn.

Sjá einnig: Hannes sakar Karl um hatursorðræðu:„Aðrir sugu sig á spena skattgreiðenda“

Sápuópera í raunheimum

Tilefnið nú er hinsvegar skrif Hannesar í svari við athugasemd Árna Snævarrs, fyrrverandi fréttamanns, sem rekja má til nektarmyndanna í Seðlabankanum. Hannes gagnrýndi skoðun Gunnars Smára Egilssonar, Sósíalistaforingja, er hann líkti Seðlabankamálinu við umræðuna um múslima í Danmörku. Þegar Árni Snævarr blandaði sér í málið með sinni athugasemd, svaraði Hannes með því að ráðast á ættarnafn Árna, og sagði það „snobb“ og „fordild.“

Sjá nánar: Hannes fordæmir ættarnöfn:„Af hverju getur þú ekki verið Íslendingur eins og við hin?“

Sjá nánar: Gunnar Smári um meintan leigupenna Bjarna Ben:„Maður finnur til með Hannesi að vera fastur í þessu skítadjobbi“

Sígilt efni

„Þetta er sígildur Hannes. Hann ræðst undantekningalítið að persónu þeirra sem andmæla honum, sérstaklega um einkahagi þeirra. Pétur Tyrfingsson kallaði þetta kjaftasögustíl af öðru tilefni. Skyldi Hannes vilja ræða sín einkamál af sama ákafa? – Hitt er þó alvarlegra, að Hannes verður ítrekað uppvís að kynþáttahyggju og hann kyndir blygðunarlaust undir múslimafóbíu,“

segir Karl Th. í færslu sinni.

Stríðni, tvíræðni og annáluð hnyttni

Færslu Karls svarar Hannes á þá leið að um stríðni hefði verið að ræða:

„Þetta átti nú að vera gamansemi hjá mér eða meinlaus stríðni, en sennilega hef ég ofmetið viðmælendur mína! Það er dálítið langt í leiðslunum hjá þeim, svo að það þarf að stafa allt ofan í þá og forðast alla orðaleiki, svo að ekki sé minnst á tvíræðni. Ég er reynslunni ríkari.“

Karl Th. bregst við og segir:

„Leitt að þín annálaða hnyttni og kerskni hafi ekki skilað sér til lesenda. Sumir eru raunar ekki nógu greindir til að skynja hina fíngerðari tegund af kímni. Við hljótum að fyrirgefa þeim.“

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Reykjavíkurborg veitti tæpar 88 milljónir í styrki til velferðarmála

Reykjavíkurborg veitti tæpar 88 milljónir í styrki til velferðarmála
Eyjan
Fyrir 2 dögum

Þegar Morgunblaðsmerkið gnæfði enn yfir bænum og hakakross Eimskipafélagsins var ekki falinn

Þegar Morgunblaðsmerkið gnæfði enn yfir bænum og hakakross Eimskipafélagsins var ekki falinn
Eyjan
Fyrir 2 dögum

Hreiðar og Magnús dæmdir sekir en fá enga refsingu – Lögfræðikostnaður fellur á almenning

Hreiðar og Magnús dæmdir sekir en fá enga refsingu – Lögfræðikostnaður fellur á almenning
Eyjan
Fyrir 2 dögum

„Er ekki komið að þeim að segja frá því sem þeir vissu um athafnir Jóns Baldvins Hannibalssonar?“

„Er ekki komið að þeim að segja frá því sem þeir vissu um athafnir Jóns Baldvins Hannibalssonar?“
Eyjan
Fyrir 3 dögum

Vigdís hefur kært borgarstjórnarkosningarnar í Reykjavík

Vigdís hefur kært borgarstjórnarkosningarnar í Reykjavík
Eyjan
Fyrir 3 dögum

Óttast að litið verði á frumvarp dómsmálaráðherra sem stuðning við hatursorðræðu

Óttast að litið verði á frumvarp dómsmálaráðherra sem stuðning við hatursorðræðu
Eyjan
Fyrir 3 dögum

Sjáðu laun bankastjóranna í samhengi við afkomu bankanna – Fær Lilja þriðju launahækkunina ?

Sjáðu laun bankastjóranna í samhengi við afkomu bankanna – Fær Lilja þriðju launahækkunina ?
Eyjan
Fyrir 3 dögum

Þetta kostar hringferð Sjálfstæðisflokksins skattgreiðendur á Íslandi – Ferðast um á VIP rútu

Þetta kostar hringferð Sjálfstæðisflokksins skattgreiðendur á Íslandi – Ferðast um á VIP rútu