fbpx
Sunnudagur 17.febrúar 2019
Eyjan

Inga Sæland: „Gömlu vagn­hest­ar Sjálf­stæðis­flokks­ins hafa síður en svo reynst happa­feng­ur“

Ritstjórn Eyjunnar
Fimmtudaginn 17. janúar 2019 09:07

Ólafur og Karl Gauti reknir

Ekki missa af Helstu tíðindum dagsins í pósthólfið þitt

Lesa nánar

Inga Sæland, formaður Flokks fólksins, fer yfir hitamál liðinna missera í aðsendri grein í Morgunblaðinu í dag. Fjallar hún þar um Klaustursmálið og aðkomu þeirra Ólafs Ísleifssonar og Karls Gauta Hjaltasonar, sem hún segir mætavel hafa vitað hvað til stóð, „að svíkja flokkinn sem kom þeim á þing“.

Greinin ber yfirskriftina Karlar sem hatast við konur og segir Inga að ekki hefði verið komist hjá því að reka þá Ólaf og Karl úr flokknum, ellegar hefði flokkurinn ekki aðeins orðið óstarfhæfur, heldur „meðsekur í þeirri andstyggð“ sem fram fór á Klaustur bar.

Þá svarar Inga grein Ólafs frá því á mánudag, hvar hann sagði að flokknum stafaði orðsporshætta vegna skipan mála flokksins:

„Þarna tal­ar maður sem ný­verið hef­ur full­kom­lega að eig­in frum­kvæði og hvöt­um eyðilagt eigið orðspor sem stjórn­mála­maður með því að taka þátt í sam­særi sem hef­ur kastað rýrð á æru þings og þjóðar. Ólaf­ur Ísleifs­son og Karl Gauti Hjalta­son fé­lagi hans eru nú farn­ir í sögu­bæk­urn­ar sem fyrstu þing­menn lýðveld­is­sög­unn­ar sem eru látn­ir sæta ábyrgð fyr­ir gjörðir sín­ar með því að þeir eru rekn­ir úr sín­um eig­in flokki fyr­ir af­brot sín.“

Fjármálin í fínu lagi

Þá víkur Inga að umræðunni um fjármál Flokks fólksins, en Karl Gauti benti á í grein að sonur Ingu hefði verið á launum hjá flokknum og að hún hefði gegnt stöðu gjaldkera ásamt því að vera prókúruhafi, sem gæti ekki talist eðlilegt.

Inga gengst við þessu og segist í samráði við stjórn flokksins gætt ýtrustu ráðdeildar:

„Þetta hef­ur tek­ist far­sæl­lega. Flokk­ur­inn býr nú við heil­brigðan fjár­hag. Hann er skuld­laus og slíkt er afar fátítt meðal ís­lenskra stjórn­mála­flokka í dag. Reikn­ing­ar flokks­ins hafa aldrei hlotið at­huga­semd­ir end­ur­skoðenda og þeim hef­ur verið skilað í sam­ræmi við lög og regl­ur. Þeir hafa ávallt verið opn­ir öll­um stjórn­ar­mönn­um, líka Karli Gauta Hjalta­syni. Hall­dór Gunn­ars­son sat í stjórn og þriggja manna fjár­hags­ráði flokks­ins, var með aðgang og eft­ir­lits­heim­ild að heima­banka flokks­ins. Hann und­ir­bjó árs­reikn­inga ásamt gjald­kera í hend­ur lög­gilts end­ur­skoðanda. Hall­dór Gunn­ars­son vissi um öll fjár­mál Flokks fólks­ins frá A til Ö. Það er aumt að horfa upp á Hall­dór, Karl Gauta og Ólaf í hefnd­ar­leiðangri nú þar sem þeir reyna að sá fræj­um efa­semda og tor­tryggni um fjár­mál Flokks fólks­ins um leið og þeir vita bet­ur. Ég er í dag prókúru­hafi flokks­ins ásamt tveim­ur öðrum trúnaðarmönn­um sem bæði njóta óskoraðs trausts. Jón­ína Björk Óskars­dótt­ir varaþingmaður í Suðvest­ur­kjör­dæmi er gjald­keri og einn prókúru­hafa.“

Um ráðningu sonar síns segir Inga að hann hafi upphaflega verið sjálfboðaliði:

„Þar var hann tal­inn standa sig vel og hann ávann sér traust. Fólk taldi hann hafa sýnt bæði kunn­áttu og dugnað. Annað fólk en ég í trúnaðar­stöðum inn­an flokks­ins vildi að hann yrði ráðinn til verk­efna á borð við dag­leg störf á skrif­stofu, gerð nýrr­ar heimasíðu og fleira. Ég kom ekki ná­lægt því og vék af fundi þegar stjórn flokks­ins tók þessa ráðningu til ákvörðunar.“

Þá segir Inga að Klaustursmálið hafi verið henni erfitt, en skömmin sé ekki hennar:

„Fram­ganga þeirra Ólafs Ísleifs­son­ar, Karls Gauta Hjalta­son­ar og Hall­dórs Gunn­ars­son­ar í okk­ar garð hef­ur valdið mér mikl­um von­brigðum. Nú er komið á dag­inn að þess­ir gömlu vagn­hest­ar Sjálf­stæðis­flokks­ins hafa síður en svo reynst happa­feng­ur fyr­ir okk­ur í Flokki fólks­ins.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Reykjavíkurborg veitti tæpar 88 milljónir í styrki til velferðarmála

Reykjavíkurborg veitti tæpar 88 milljónir í styrki til velferðarmála
Eyjan
Fyrir 2 dögum

Þegar Morgunblaðsmerkið gnæfði enn yfir bænum og hakakross Eimskipafélagsins var ekki falinn

Þegar Morgunblaðsmerkið gnæfði enn yfir bænum og hakakross Eimskipafélagsins var ekki falinn
Eyjan
Fyrir 2 dögum

Hreiðar og Magnús dæmdir sekir en fá enga refsingu – Lögfræðikostnaður fellur á almenning

Hreiðar og Magnús dæmdir sekir en fá enga refsingu – Lögfræðikostnaður fellur á almenning
Eyjan
Fyrir 2 dögum

„Er ekki komið að þeim að segja frá því sem þeir vissu um athafnir Jóns Baldvins Hannibalssonar?“

„Er ekki komið að þeim að segja frá því sem þeir vissu um athafnir Jóns Baldvins Hannibalssonar?“
Eyjan
Fyrir 3 dögum

Vigdís hefur kært borgarstjórnarkosningarnar í Reykjavík

Vigdís hefur kært borgarstjórnarkosningarnar í Reykjavík
Eyjan
Fyrir 3 dögum

Óttast að litið verði á frumvarp dómsmálaráðherra sem stuðning við hatursorðræðu

Óttast að litið verði á frumvarp dómsmálaráðherra sem stuðning við hatursorðræðu
Eyjan
Fyrir 3 dögum

Sjáðu laun bankastjóranna í samhengi við afkomu bankanna – Fær Lilja þriðju launahækkunina ?

Sjáðu laun bankastjóranna í samhengi við afkomu bankanna – Fær Lilja þriðju launahækkunina ?
Eyjan
Fyrir 3 dögum

Þetta kostar hringferð Sjálfstæðisflokksins skattgreiðendur á Íslandi – Ferðast um á VIP rútu

Þetta kostar hringferð Sjálfstæðisflokksins skattgreiðendur á Íslandi – Ferðast um á VIP rútu