Unnið að lækkun eiginfjárstöðu
Eiginfjárhlutfall Landsbankans í september var 24,8 prósent, en eiginfjárkrafa Fjármálaeftirlitsins er 20.5 prósent. Eigið fé nam 236 millljörðum. Lilja sagði að mikil vinna hefði farið í að minnka eiginfjárstöðuna:
Oddný G. Harðardóttir, þingflokksformaður Samfylkingarinnar, sér ástæðu til að minna á að enn eigi eftir að ræða sölu ríkisbankanna á Alþingi. Lilja Björk Einarsdóttir, bankastjóri Landsbankans, sagði við RÚV í gær að hún teldi Landsbankann tilbúinn fyrir sölu, en ríkið á rúmlega 98 prósenta hlut í Landsbankanum.
Oddný segir að rök Lilju fyrir sölunni séu einmitt þau sömu og hægt væri að nota gegn sölu bankans:
„Jafnvel þó að bankastjóri Landsbankans telji bankann tilbúinn til sölu og þó að höfundar hvítbókar um bankakerfið leggi til sölu þá á Alþingi eftir að ræða þetta ásamt framtíðarskipan bankakerfisins. Mér finnast þessi orð bankastjórans í viðtali við RÚV t.d. einmitt rök gegn sölu Landsbankans.“
Stjórnvöld eru hvött til sölu eignarhlutar síns í bönkunum í hvítbók um framtíðarsýn um fjármálakerfið sem kom út í desember.
Lilja taldi upp nokkur atriði um Landsbankann sem ættu að teljast jákvæðir sölupunktar, en Oddný vill meina að þessi sömu atriði séu rök gegn því að selja bankann.
Lilja sagði:
„Já auðvitað trúi ég því að það finnist kaupandi að Landsbankanum. Við erum í raun og veru að selja þverskurð af efnahagslífinu og samfélaginu á Íslandi. Við erum að þjónusta viðskiptavini um allt land í öllum atvinnugreinum og það er mjög góð fjárfesting fyrir þann sem vill vera fjárfestir á Íslandi, að vera fjárfestir í Landsbankanum.“
Lilja sagði einnig að reksturinn stæði vel í alþjóðlegum samanburði:
„Við erum með góð eiginfjárhlutföll og lítum mjög vel út þegar við förum að bera saman kennitölur banka. Þannig að fyrir mér er auðvitað sá hluti í fínu lagi og við erum tilbúin til þess að hefja söluferlið. En svo verður auðvitað líka að meta það hvernig aðstæður eru á alþjóðlegum mörkuðum og hverjir eru mögulegir kaupendur bankanna. Það skiptir líka máli í þessu samhengi.“
Eiginfjárhlutfall Landsbankans í september var 24,8 prósent, en eiginfjárkrafa Fjármálaeftirlitsins er 20.5 prósent. Eigið fé nam 236 millljörðum. Lilja sagði að mikil vinna hefði farið í að minnka eiginfjárstöðuna: