„ Landsamband slökkviliðs- og sjúkraflutningamanna(LSS) lýsir yfir miklum áhyggjum vegna þróunar í bráðaþjónustu utan spítala á svæði Heilbrigðisstofnunar suðurlands (HSU). Afleiðingar af fyrirhugaðri fækkun sjúkraflutningamanna eru óþekktar en ljóst er að viðbragð mun skerðast og líklegt að útkallstími muni lengjast.“
Svona hefst ályktun stjórnar Landssambands slökkviliðs- og sjúkraflutningamanna vegna vegna niðurskurðar Heilbrigðisstofnunar Suðurlands (HSU) í bráðaþjónustu utan spítala (sjúkraflutningamanna).
Er yfirstjórn HSU hvött til að endurskoða ákvörðun sína:
„Frekari afleiðingar er aukið álag á þá starfsmenn sem sinna þjónustunni og í allri umræðu um kulnun og streitu ganga svona aðgerðir þvert á það markmið að skapa heilbrigt vinnuumhverfi. Hvetur LSS yfirstjórn HSU til að endurskoða þessa ákvörðun og óskar jafnframt eftir aðkomu heilbrigðisráðuneytis til að setja viðmiðunarreglur um staðsetningu starfsstöðva og lágmarksviðmið fyrir staðarvakt sjúkraflutninga.“