Í fréttum RÚV í gær var greint frá því að það yrði síðasti fréttatíminn úr því myndveri, því nýtt myndver yrði tekið í notkun í dag.
Fréttir RÚV hafa verið lesnar í um 20 ár í sama myndverinu en nýja myndverið kostar um 184 milljónir króna.
Með nýjum tæknibúnaði er áætlað að um 20 milljónir sparist árlega, því aðeins tveir starfmenn eru nauðsynlegir í hverri útsendingu, í stað átta áður.
Myndavélar verða því ekki „mannaðar“ heldur eru þær nokkurs konar „róbótar“ samkvæmt frétt RÚV.
Rakel Þorbergsdóttir, fréttastjóri, segir nýju tæknina, róbótana, þó enn geta strítt:
„Jú, jú þeir getað auðvitað orðið óþekkir eins og stórar stöðvar þekkja en þetta er tækni sem gerir okkur kleift að þróa fréttirnar og útlitið og halda í takt við tímann. Það er ekkert leyndarmál að við erum svolítið eftir á hvað þetta varðar, við erum núna að taka í notkun sjálfkeyrslu og þessa róbota sem systurstöðvarnar eru fyrir löngu búnar að taka í notkun.“