Flokkur fólksins hefur gert tvær bókanir og sent inn tvær tillögur á fundi velferðarráðs Reykjavíkurborgar í dag.

Oddviti Flokks fólksins, Kolbrún Baldursdóttir, lagði til að:

„…hugtakið „utangarðsfólk“ verði ekki notað frekar hjá velferðarsviði og velferðarráði borgarinnar. Hugtakið er að mati borgarfulltrúa Flokks fólksins neikvætt og er ef til vill barn síns tíma. Lagt er til að í stað hugtaksins utangarðsfólk sé talað um heimilislausa eða fólk í húsnæðisvanda. Heimilislaust fólk er afar fjölbreyttur hópur fólks sem á það sameiginlegt að hafa ekki aðgang að hefðbundnu húsnæði, hefur ekki húsaskjól að staðaldri á sama stað.“

Þá lagði Kolbrún einnig til að borgarstjórn:

„…leggi allt kapp á að útrýma heimilisleysi í Reykjavík með öllu á kjörtímabilinu.“