Inga Sæland, formaður Flokks fólksins, segist loksins vera búin að átta sig á því hvað felist í hugatakinu pólitískur rétttrúnaður. Það hafi hún upplifað eftir að hún viðraði efasemdir sína um ókyngreind salerni í Facebook-færslu. Inga segir að umræður undir færslunni hafi verið um margt eðlilegar en þó hafi nokkrir aðilar vaðið fram af ofstopa og hellt yfir hana svívirðingum. Inga skrifar:
Ég spurði í gær hvort konur vildu ókyngreind salerni. Einnig birti ég grein um þetta efni. Flestir tóku þessum færslum eins og þær komu fyrir og að sjálfsögu ekki allir sammála og bara gaman að því. Hinn svo kallaði rétttrúnaður lét sig heldur ekki vanta í umræðuna, jafnvel hellti yfir mig svívirðingum.
Inga segir að hinum pólitískt réttrúuðu veiti ekki af hlýju, þeim líði greinilega illa:
Ég er loks að átta mig á því hvað felst í þessu hugtaki „rétttrúnaður“ þegar verið er að tala um ákv. hópa í samfélaginu. Einstaklingar sem stíga fram á opinberum vettvangi hlaðin öfgum og eigin ágæti, enginn og ekkert er þeim æðra, allt sem þau segja og gera er það eina rétta og sanna á öllum sviðum allir aðrir eru asnar fífl og hálfvitar. Af hverju líður þessu fólki svona illa, ég vil senda þeim öllum bjartsýni og bros inn í daginn og bið ykkur að gera slíkt hið sama elsku vinir, þeim veitir svo sannarlega ekki af því.