Pia Skjærsgaard, forseti danska þingsins, tjáði sig um Íslandsheimsókn sína við dönsku sjónvarpsstöðina TV 2 í dag, þar sem hún segir þá gagnrýni sem hún fékk frá íslenskum þingmönnum, vera fáránlega. Píratar sniðgengu þingfundinn og Helga Vala Helgadóttir, þingmaður Samfylkingarinnar, gekk út af fundinum þegar Kjærsgaard hóf sína hátíðarræðu. Mbl greinir frá.
„Þetta er fáránlegt og skammarlegt. Ekki gagnvart mér, heldur gagnvart Danmörku,“
Um ákvörðun Pírata að mæta ekki í gær, segir Kjærsgaard að hún geti ekkert gert í því að sumir séu illa upp aldir og átti sig ekki á því að henni hafi ekki verið boðið persónulega, heldur sem forseta danska þingsins
sagði Pia.
Hún segir það ekki sér að kenna þó svo að sumir séu illa upp aldir og átti sig ekki á því að henni var ekki boðið persónulega, heldur sem forseta danska þingsins, en skilja má það sem sneið til Pírata.
Hún sagðist hinsvegar ekki hafa tekið eftir neinum mótmælum og hafi notið dvalarinnar á Íslandi.
Hún sagði einnig að fólk á Íslandi hefði það almennt gott, en sumir átti sig ekki á því sem gerist í heiminum:
„Þau þurfa að átta sig á því hvernig systurflokkur þeirra hagar sér í Danmörku,“
sagði Pia og skaut þannig á Samfylkinguna, en Sósíaldemókrataflokkurinn í Danmörku, systurflokkur Samfylkingarinnar, hefur tekið upp harðari stefnu gegn innflytjendum, líkt og Logi Einarsson, formaður Samfylkingarinnar, gagnrýndi á landsfundi í vor.
Helga Vala sagði við TV 2 ekki hafa verið að mótmæla danska þinginu, ríkisstjórninni eða dönsku þjóðinni, heldur hafi mótmælin beinst að Piu sjálfri:
„Ég vildi sýna hvað mér fannst um Kjærsgaard, stefnu hennar og skoðanir í málefnum innflytjenda. Ég skil ekki hvers vegna hún var fengin til að flytja ávarp á þessari stundu,“
sagði Helga Vala við TV2 og MBL greinir frá.