Á Skálholtshátíð helgina 20-22. júlí mun Agnes M. Sigurðardóttir biskup Íslands, fyrir hönd kirkjunnar, skrifa undir samning við Skógræktarfélag Ísalands um afnot af 230 hektara af landi í Skálholti til 90 ára. Landinu verður í framtíðinni breytt í yndisskóg með göngustígum sem fólk getur nýtt til útivistar, samkvæmt tilkynningu.
„Þessi ákvörðun er í takt við umhverfisstefnu þjóðkirkjunnar um að rækta landið og sporna við losun gróðurhúsalofttegunda, sem við gerum meðal annars með skógrækt. Við höfum einnig endurheimt votlendi á svæðinu með því að moka ofan í skurði. Þannig hefur kirkjan í Skálholti lagt sig fram um að varðveita jörðina og sköpunina.“
segir Agnes M. Sigurðardóttir biskup Íslands.
Nýr vígslubiskup í Skálholti
Fjölbreytt hátíðardagskrá verður um helgina þar sem sr. Kristján Valur Ingólfsson lætur af embætti vígslubiskups og sr. Kristján Björnsson verður vígður til embættis vígslubiskups Skálholtsumdæmis. .
„Það má segja að þetta séu tímamót í Skálholti þar sem Kristján kveður og Kristján heilsar. Ég vil þakka Kristjáni Vali fyrir gott samstarf og góða þjónustu í kirkjunni, bæði í Skálholti og annarstaðar um áratuga skeið. Ég býð Kristján Björnsson velkominn til starfa og vænti góðs samstarfs.“
segir Agnes.
Eftir vígslumessuna, sem er opin öllum, býður biskup Íslands til kaffiveitinga í Skálholtsskóla.
Dagskrá 20. – 22. júlí 2018
Föstudagur 20. júlí
12:00 Messa við Þorlákssæti (ef veður leyfir)
Laugardagur 21. júlí
09:00 Morgunbænir
13:00 Fjölbreytt dagskrá fyrir fjölskyldur og börn:
– Grasakynning: Guðríður Helgadóttir, garðyrkjufræðingur (Hefst fyrir framan Skálholtsskóla kl. 13:00)
– Fornleifarannsóknir, kynning á uppgreftri: Mjöll Snæsdóttir fornleifafræðingur (Fer fram við hlið Skálholtsdómkirkju og hefst kl. 14:00)
– Fuglakynning: Gunnar Tómasson, fuglamerkingamaður (Hefst fyrir framan Skálholtsskóla kl. 14:00)
– Leikir og létt gaman: Leiðtogar ÆSKÞ stjórna útileikjum
16:00 Hátíðartónleikar í Skálholtsdómkirkju: Sjá dagskrá
18:00 Vesper í Skálholtsdómkirkju
21:00 Kvöldsöngur í Skálholtsdómkirkju: Íslensk þjóðlög: Benedikt Kristjánsson tenór
Sunnudagur 22. júlí
09:00 Morgunbænir
09:30 Æfing með erlendum gestum sem taka þátt í biskupsvígslunni í Skálholtsdómkirkju
11:00 Orgeltónleikar í Skálholtsdómkirkju: Jón Bjarnason, organisti
13:15 Prósessía undirbúin í Skálholtsskóla
13:30 Biskupsvígsla: Biskup Íslands frú Agnes M. Sigurðardóttir vígir séra Kristján Björnsson til embættis vígslubiskups í Skálholtsstifti við messu í Skálholtsdómkirkju
15:00 Kaffiveitingar í Skálholtsskóla
16:15 Hátíðarsamkoma í Skálholtsdómkirkju: Hátíðarræður flytja:
– Ragnheiður Jóna Ingimarsdóttir, framkvæmdastjóri 100 ára afmælisnefndar um fullveldi Íslands 2018
– Dr. Ágúst Einarsson prófessor emeritus, fv. alþingismaður og rektor, flytur erindið: Kærleikur, bækur og fullveldi
18:00 Kvöldbænir : Te Deum