Framsóknarflokkurinn og Sjálfstæðisflokkurinn í Kópavogi hafa komist að samkomulagi um myndun meirihluta fyrir komandi kjörtímabil. Málefnasamningur verður kynntur fyrir fulltrúaráðum flokkanna annað kvöld. Þetta kemur fram í fréttatilkynningu sem Ármann Kr. Ólafsson sendi á fjölmiðla seinnipartinn í dag.
Ármann verður áfram bæjarstjóri Kópavogsbæjar og Birkir Jón Jónsson, oddviti Framsóknarflokksins, verður formaður bæjarráðs. Þessi niðurstaða er í takt við frétt sem Eyjan birti þann 2.júní um að samstarf flokkanna hefði þegar verið handsalað.