Samkvæmt nýrri könnun Fréttablaðsins á fylgi framboðanna í Reykjavík fyrir borgarstjórnarkosningarnar á morgun, heldur meirihlutinn velli, með 13 af 23 fulltrúum. Samfylking er stærst flokka, en Sjálfstæðisflokkurinn bætir aðeins við sig frá síðustu könnun. Alls sjö flokkar ná inn manni í borgarstjórn.

Samfylking – 32,1 % = 9 fulltrúar

Sjálfstæðisflokkurinn – 26,3% = 7 fulltrúar

Píratar – 10,3% = 2 fulltrúar

Vinstri grænir – 7,5% = 2 fulltrúar

Viðreisn – 6,2 % = 1 fulltrúi

Miðflokkurinn – 5,3% = 1 fulltrúi

Framsóknarflokkurinn – 3,6% = 1 fulltrúi

Þeir flokkar sem ná ekki inn manni í borgarstjórn samkvæmt könnuninni:

Flokkur fólksins – 3,1 %

Sósíalistaflokkur Íslands – 2,3%

Kvennahreyfingin 1,9%

Höfuðborgarlistinn – 0,3%

Frelsisflokkurinn – 0,3%

Alþýðufylkingin – 0,1%

Ekki er minnst á Karlalistann, Borgina okkar – Reykjavík, eða Íslensku þjóðfylkinguna í könnuninni.

Hringt var í 1.987 manns með lögheimili í Reykjavík þar til náðist í 1.500 samkvæmt lagskiptu úrtaki dagana 23. og 24. maí. 

Svarhlutfallið var 75,5 prósent. Þátttakendur voru valdir með slembiúrtaki úr þjóðskrá. Svarendur skiptust jafnt eftir kyni og hlutfallslega eftir aldri. Alls tóku 62,1 prósent þeirra sem náðist í afstöðu til spurningarinnar. Þá voru slétt 10 prósent sem sögðust ekki ætla að kjósa eða ætla að skila auðu, 18,4 prósent sögðust óákveðin og 9,6 prósent vildu ekki svara spurningunni. Rétt er að taka fram að vikmörkin í könnuninni eru á bilinu 0,18 til 2,36 prósent.