Átak, félag fólks með þroskahömlun, heldur opinn fund á morgun þar sem fram koma fulltrúar allra framboða til borgarstjórnar. Er fundurinn haldin í Iðnó og er frá 13 – 16 og mun Jón Gnarr opna fundinn. Þá mun Improv Ísland standa fyrir spurningakeppni og pallborðsumræðum, en boðið verður upp á léttar veitingar og eru allir velkomnir.
Verkefnið heitir „Eflum lýðræðislega þátttöku fatlaðs fólks” og er styrkt af Erasmus+ og Evrópu unga fólksins, en þátttakendur eru fólk með þroskahömlun.
„Þetta er mjög öflugt framtak frá þessum flotta hópi fólks og afar mikilvægt að þær raddir heyrast í þjóðfélaginu eins og slagorð Átaks segir „Allt um okkur með okkur” sem er bein tilvísun í notendaráð sem fjallar um mikilvægi samráðs við fatlað fólk þegar að ákvarðanir eru teknar um þeirra líf og þróun á þjónustu,“
segir í tilkynningu.
Tilkynningin í heild sinni:
Eflum lýðræðislega þáttöku fatlaðs fólks í Reykjavík.
Átak félag fólks með þroskahömlun heldur opinn fund með framboðsflokkum
Reykjavíkur og reykvíkingum, í IÐNÓ miðvikudaginn 23. maí klukkan 13:00 til 16:00.
Verkefnið ber nafnið “Eflum lýðræðislega þátttöku fatlaðs fólks”.
Verkefnið er styrkt af Erasmus+ og Evrópu unga fólksins. Þátttakendur verkefnisins er fólk með þröskahömlun.
Þetta er mjög öflugt framtak frá þessum flotta hópi fólks og afar mikilvægt að þær raddir heyrast í þjóðfélaginu eins
og slagorð Átaks segir “Allt um okkur með okkur” sem er bein tilvísun í notendaráð sem fjallar um mikilvægi
samráðs við fatlað fólk þegar að ákvarðanir eru teknar um þeirra líf og þróunn á þjónustu.
Átak vill vekja athygli á þessu málefni og hvetja sveitarfélög til þess að stofna og eiga virkt samstarf við
notendaráð og nýta sér þannig sérþekkingu fatlaðs fólks við þróun þjónustu í sveitarfélaginu.
Fundurinn í Reykjavík er síðasti fundur verkefnisins, en undanfarnar vikur hefur
Átak haldið fundi á Selfossi, Akureyri og Ísafirði.
Allir flokkar í Reykjavíkur kjördæmi hafa boðað komu sína á fundinn, flestir oddvitar flokkana mæta og búist er við
fjölmennum fundi. En fundurinn er afar mikilvægur vettvangur fyrir fólk með þroskahömlun til að eiga samtal við
frambjóðendur til sveitastjórnarkosninga hver áherslumál þeirra eru í málefnum fatlaðs fólks.
Öllum er frjálst að mæta!
Í dag býr fatlað fólk á Íslandi við mismunandi skilyrði eftir því í hvaða sveitarfélagi það býr.
Sveitarfélögum er hinsvegar skylt að sjá til þess að fatlaðir íbúar búi við þau mannréttindi sem mælt
er um í Samningi Sameinuðuþjóðanna um réttindi fatlaðs fólks. Í samningnum stendur að
stjórnvöld eigi ekki að taka ákvarðanir um málefni sem varðar fatlað fólk án þess að eiga
raunverulegt samráðvið fatlað fólk. Því ættu að vera notendaráð í öllum sveitarfélögum. Mikilvægt er
að fatlað fólk hafi aðgengi að virkri lýðræðislegri þátttöku. En til þess þurfa upplýsingar að vera aðgengilegar á
auðskildumáli og fatlað fólk á að getað valið sér aðstoðarfólk þegar það fer að kjósa. En margir sleppa
því að fara að kjósa því þeim finnst óþægilegt að geta ekki fengið að velja aðstoðarfólk sjálft”.
Vonumst til að sjá sem flesta,
kveðja Átak