[Birgir Björn] tekur Seltjarnarnes sem dæmi. Þar séu framtíðarhorfur í rekstri ekki glæsilegar og atvinnulíf einhæft. Sveitarfélagið sé í jaðri borgarinnar og nýti sér flesta innviði hennar, aldur íbúa fari hækkandi, menningarstarfsemi lítil og fátt sem laði að ferðamenn.
Þetta má lesa í viðbrögðum Birgis Björn Sigurjónssonar, fjármálastjóra Reykjavíkur, við skýrslu frá Samtökum atvinnulífsins um rekstur sveitarfélaga á landinu. Í skýrsluni var Seltjarnarnesi sungið lof og prís, en öðru máli gengdi um Reykjavík, Hafnarfjörð og Reykjanesbæ.
Þórbergur Þórðarson orti á sínum tíma frægt kvæði sem er í sama anda og þessi staðhæfing Birgis Björns. Mætti jafnvel segja að fjármálastjórinn sé að umorða kvæði meistarans:
Seltjarnarnesið er lítið og lágt.
Lifa þar fáir og hugsa smátt.
Aldrei líta þeir sumar né sól.
Sál þeirra’ er blind einsog klerkur á stól.
(Tek fram að það var Marinó G. Njálsson, fyrrverandi íbúi á Seltjarnarnesi, sem kom auga á þetta, ekki ég.)
