Sigurþjón Þórðarson líffræðingur og sveitarstjórnarmaður á Sauðárkróki segir að þorskstofninn hafi minnkað um 20% frá því í fyrra. Í niðurstöðum Hafrannsóknarstofnunar segir að stofninn sé 5% minni en meðaltal áranna frá 2012 þegar stofnvísitölurnar voru mjög háar. Sigursjón skrifar hins vegar:
„Niðurstöðurnar eru mjög sláandi eða að stofninn hafi minnkað um ríflega 20% frá í fyrra. Hér er um gríðarmikla minnkun að ræða eða meiri en það sem veitt var úr stofninum í fyrra – Aflareglan sem notast er við miðar við að veitt sé 20% af veiðistofni árlega. Framsetning Hafrannsóknarstofnunar á hrapinu í stofnmælingunni gefur mjög skakka mynd af stöðunni, en í skýrslunni segir: „Stofnvísitala þorsks er 5% lægri en meðaltal áranna frá 2012, þegar vísitölur voru háar.“
Niðurstaðan er algert skipbrot fyrir þá veiðiráðgjöf sem Hafró hefur notað á síðustu áratugum – þorskaflinn nú er ríflega helmingur af því sem hann var að jafnaði fyrir daga kvótakerfisins.“
