Gríðarlega mikill turn sem ber nafnið Hekla mun rísa í París á næstu árum og verður væntanlega fullbyggður 2021. Turninn verður 220 metra hár og verður í La Défense háhýsahverfinu vestast í borginni. Er sagt að hann muni setja mikinn svip á umhverfið. Í turninum verða skrifstofur og íbúðir.

Arkitektinn er einn sá frægasti í heimi, Jean Nouvel. Hann hefur teiknað mörg fræg hús, í París meðal annars hina nýju byggingu Philharmonie de Paris. Hann átti líka tillögu að tónlistarhúsinu í Reykjavík sem ekki hlaut náð fyrir augum dómnefndar.

Svona mun Hekla líta út, séð frá Sigurboganum.