fbpx
Mánudagur 21.janúar 2019
Eyjan

Dansað eftir pípu stórra auðhringa

Egill Helgason
Laugardaginn 15. desember 2018 16:03

Hér í New York verður maður var við mikla gremjum vegna fyrirhugaðrar byggingar höfuðstöðva auðhringsins Amazon í Queens-hverfinu. Jú, með þessu skapast fullt af störfum í borginni, það vantar ekki, en í því skyni að ákveða staðsetninguna hratt Jeff Bezos, aðaleigandi Amazon, af stað samkeppni milli fjölmargra borga um að fá til sín þessa starfsemi.

Alls voru 20 borgir í pottinum en á endanum urðu fyrir valinu New York, Arlington í Virginíu – sem er rétt við Washington – og Nashville í Tennessee. En þetta er ekki ókeypis fyrir borgirnar, þær þurfa að bjóða uppbyggingu innviða fyrir Amazon og í viðbot kemur feitur skattaafsláttur. Hermt er að meðgjöfin sem Amazon fær frá New York nemi meira en 2 milljörðum dollara.

Þannig er í raun verið að niðurgreiða starfsemi ríkustu fyrirtækja í heimi. Eigandi Amazon, Jeff Bezos, er nú sagður vera ríkasti maður heims. Auðæfi hans eru metin á um það bil 150 milljarða dollara. Hann er ríkari en mörg lönd samanlagt. Græðgi hans virðist vera takmarkalaus, því Amazon er sífellt að færa sig yfir á fleiri svið verslunar og viðskipta.

Það er heldur ekki talin tilviljun að einmitt New York og Washington urðu fyrir valinu. Kannski var þessi samkeppni ekkert nema sýndarmennska. Bæði New York og Washington eru ríkar borgir og þurfa ekkert sérstaklega á starfsemi Amazon að halda. Ef það væri viðmiðið yrðu aðrir staðir fyrir valinu.

En í New York og Washington er Bezos og fyrirtæki hans nálægt aðal valdamiðstöðunum í Bandaríkjunum. Það gæti hafa ráðið úrslitum, og kannski var búið að ákveða þetta allt fyrirfram.

New York-búum er hins vegar ofboðið og maður heyrir víða talað um þennan gjörning. Alexandria Ocasio-Cortez, hinn ungi þingmaður New York og rísandi stjarna í stjórnmálunum hér, sendi til dæmis þessi skilaboð.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

MIKILL MEIRIHLUTI ÍSLENDINGA VILL SEINKA KLUKKUNNI

MIKILL MEIRIHLUTI ÍSLENDINGA VILL SEINKA KLUKKUNNI
Eyjan
Fyrir 2 dögum

Vatnsmýrin að fá póstnúmerið 102: „Innantómt orðagjálfur á tyllidögum“

Vatnsmýrin að fá póstnúmerið 102: „Innantómt orðagjálfur á tyllidögum“
Eyjan
Fyrir 3 dögum

Davíð Oddsson sagður afkomandi „dularfulla kynblendingsins“ Hans Jónatans

Davíð Oddsson sagður afkomandi „dularfulla kynblendingsins“ Hans Jónatans
Eyjan
Fyrir 3 dögum

Lögreglan: Mikil fjölgun innbrota á heimili

Lögreglan: Mikil fjölgun innbrota á heimili