Snæbjörn Brynjarsson, þingmaður Pírata, hefur svarað færslu Brynjars Níelssonar, sem Eyjan fjallaði um í dag. Þar sakaði Brynjar þingmann Pírata um hræsni, fyrir að gagnrýna Miðflokksþingmennina fjóra af Klaustur bar fyrir hegðun sína og orðfæri, en sjálfur skrifaði Snæbjörn frekar harðorða grein um dauða öldungadeildarþingmannsins John McCain í sumar, þar sem hann óskaði þess til dæmis að hann brynni í helvíti.
Brynjar sagði af því tilefni, að önnur siðferðisviðmið giltu um Pírata en aðra.
Snæbjörn virðist þó kunna þessari athygli vel:
„Loksins hjólar einhver í mig, greinilega var erfitt fyrir einhvern að hlusta á ræðu mína í gær“
Þá nefnir Brynjar að ólíku sé saman að jafna:
„Það er ekkert sambærilegt við það að selja sendiráðsembætti fyrir greiða, að baktala samstarfsfólk, skrópa úr vinnu, opinbera ógeðslega fordóma, grafa undan samflokksfólki sínu og síðan safnast saman fjórir velefnaðir þingmenn (þar af einn milljónamæringur) í hópmálsókn gegn öryrkja.“
Að lokum segist Snæbjörn standa við hvert orð í grein sinni síðan í sumar:
„Allt sem ég skrifaði í grein minni um John McCain er satt og ég get skammlaust endurtekið þau orð, hvort sem ég væri edrú eða í glasi. Það er annað en hægt er að segja um mýsnar fjórar, vini þína sem læðast meðfram veggjum og þora ekki að horfa í augu samstarfsfólks eftir það sem þau hefðu betur látið ósagt og ógert.“
Sjá einnig: Brynjar sakar Snæbjörn Pírata um hræsni:„Önnur siðferðisviðmið gilda um þá en aðra“