Það hefur ekki farið hátt en um leið og tilkynnt var um úrslit í samkeppni um viðbyggingu við Stjórnarráðið þar sem þessi tillaga sigraði –
Að þá á sama tíma var tilkynnt um úrslit vegna framkvæmda á svokölluðum stjórnarráðsreit. Hann markast af Skúlagötu, Klapparstíg, Lindargötu og Ingólfsstræti. Þarna er ráðgert að fara í gríðarlegar byggingaframkvæmdir fyrir stjórnsýsluna, hugmyndin er að koma þarna fyrir öllum ráðuneytunum, einhverjum ríkisstofnunum, dómstólum – en þó ekki forsætisráðuneytinu. Mönnum finnst það til vinnandi að hafa það áfram í gamla Múrnum við Lækjargötuna – og byggja sérstaklega þar við.
Af þessu myndi náttúrlega vera ákveðið hagræði – líklega þægilegri samgangur milli ráðuneyta. En þetta eru auðvitað dýrar framkvæmdir – rándýrar. Á móti kemur að ríkið gæti losað um margar byggingar sem hafa verið notaðar undir ráðuneyti og stofnanir og væntanlega selt þær eða sagt upp leigu þegar þannig ber undir.
En lítum aðeins á verðlaunatillögurnar. Hér efst á síðunni er tillagan sem varð í fyrsta sæti. Höfundar eru T.ark Arkitektar og SP(R)INT Studio. Hér er svo götumynd úr tillögunni.
Þessi tillaga fékk svo 2. verðlaun, hún er eftir Nordic – Office of Architecture.
3. verðlaun fengu Úrbanistan og Anna María Bogadóttir fyrir þessa tillögu.
Svo má sýna þessa tillögu sem fékk viðurkenningu en hún er eftir ASK arkitekta.