fbpx
Mánudagur 10.desember 2018
Eyjan

Þorsteinn ósáttur við sinn gamla vinnustað: „Morgunblaðið hefur tekið sér stöðu sem sérstakt málgagn ríkisstjórnarinnar“

Ritstjórn Eyjunnar
Föstudaginn 7. desember 2018 17:05

Þorsteinn Víglundsson, þingmaður Viðreisnar, segir illa komið fyrir sínum gamla vinnustað, Morgunblaðinu. Ástæðan er frétt miðilsins um nýsamþykkt fjárlög á Alþingi í dag, hvar fyrirsögnin er „Ábyrg sóknarfjárlög“.

Þorsteinn segir að Morgunblaðið sé ekki lengur hlutlaust:

„Hart var deilt á ríkisstjórnina við afgreiðslu fjárlaga enda margt þar að gagnrýna. Fjöldi þingmanna kvaddi sér hljóðs við atkvæðaskýringar við lokasamþykkt þeirra en þessi var sú eina sem hlaut náð fyrir augum mbl.is. Ég hef nokkuð lengi verið hugsi yfir þróuninni hjá Morgunblaðinu hvað varðar vandaðan og hlutlausan fréttaflutning. Þegar horft er á umfjöllun blaðsins um veiðigjöld og fjárlög þessarar ríkisstjórnar blasir við að hér er ekki lengur um hlutlausan fjölmiðil að ræða. Morgunblaðið hefur tekið sér stöðu sem sérstakt málgagn ríkisstjórnarinnar. Það kemur kannski ekki á óvart þegar skoðað er hverjir ritstjórar og eigendur blaðsins eru. Mér þykir hins vegar illa komið fyrir mínum gamla vinnustað.“

Fyrirsögnin sem Þorsteinn vísar í, er tilvísun í orð Katrínar Jakobsdóttur forsætisráðherra, sem mælti:

„Þetta eru sókn­ar­fjárlög sem við af­greiðum í dag, sókn­ar­fjárlög sem byggja á traustri stöðu rík­is­sjóðs en mæta um leið þeim þörf­um og vænt­ing­um sem uppi voru eft­ir síðustu kosn­ing­ar.“

Þá er nefnt í fréttinni að Katrínu hafi þótt „kúnstugt“ að heyra stjórnarandstöðuna tala um að ekki sé verið að byggja upp samfélagslega innviði, þar sem ríkisstjórnin sé að gera miklu meira en lofað var fyrir kosningar.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 8 klukkutímum

Brynjar um sendiherradraum Gunnars Braga: „Hann er búinn að sækjast eftir þessu mjög lengi“

Brynjar um sendiherradraum Gunnars Braga: „Hann er búinn að sækjast eftir þessu mjög lengi“
Eyjan
Fyrir 10 klukkutímum
Frestur liðinn
Eyjan
Fyrir 3 dögum

Krefur Hafnarfjarðarbæ um fjórar milljónir vegna brottvikningar

Krefur Hafnarfjarðarbæ um fjórar milljónir vegna brottvikningar
Eyjan
Fyrir 3 dögum

Meirihluti Alþingis vill afsögn sexmenninganna

Meirihluti Alþingis vill afsögn sexmenninganna