fbpx
Miðvikudagur 12.desember 2018
Eyjan

Spáir 17% fækkun ferðamanna í desember útfrá Google rannsókn

Ritstjórn Eyjunnar
Fimmtudaginn 6. desember 2018 09:24

Samsett mynd/Pixabay

Samkvæmt greiningu markaðsrannsóknar fyrirtækisins Svartagaldurs, var áhugi ferðamanna á Íslandi 17 prósent minni í október árið 2018 en á sama tíma á síðasta ári. Rannsóknin var gerð út frá leitarhegðun á enskum ferðatengdum frösum í tengslum við Ísland á Google leitarvélinni, en alls 480 þúsund leitir voru gerðar í fyrra, en aðeins 397 þúsund í ár. Viðskiptamogginn greinir frá.

Þór Matthíasson, þróunarstjóri Svartagaldurs, segir um skarpan samdrátt að ræða:

„Þetta eru samanlagðar niðurstöður þar sem ég byggi á um 1.300 mismunandi enskum ferðatengdum frösum sem fólk um allan heim notar þegar það er að leita að ferðatengdum hlutum í tengslum við Ísland. Sem dæmi þá var tæplega 10% aukning í leit að Íslandsferðum á milli september og október á síðasta ári. Nú í ár er um tæplega sex prósent samdrátt að ræða,“

segir Þór og nefnir að áhugavert verði að sjá hvernig desember komi út.

Hann segir að forspárgildi talnanna hafi reynst mikið þegar undanfarin ár eru rannsökuð útfrá leitum ferðamanna á Google og rauntölum heimsókna ferðamanna hingað til lands, en þó með þeim fyrirvara að gögn Google séu röng:

„Við sjáum svo til samanburðar í tölum ISAVIA að komum Bandaríkjamanna hingað til lands fjölgaði í svipuðu hlutfalli. Á meðan 41% aukning varð í Googleleitum bandarískra ferðamanna fyrstu 10 mánuði ársins 2017 borið saman við 2016, þá var 43% fjölgun bandarískra ferðamanna til landsins. Sama má segja um árið í ár þar sem leitir Bandaríkjamanna aukast um 18% og fjölgun ferðamanna er 22%.“

Þrír vinsælustu atburðirnir sem leitað var eftir á Google tengdum Íslandi voru eldgosið í Eyjafjallajökli árið 2010, þátttaka íslenska karlalandsliðsins á EM í Frakklandi, sem og þátttaka þess á HM í Rússlandi.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 13 klukkutímum

Sigmundur Davíð og Gunnar Bragi hundsa fundarboð um sendiherramálið – Málið tekið af dagskrá

Sigmundur Davíð og Gunnar Bragi hundsa fundarboð um sendiherramálið – Málið tekið af dagskrá
Eyjan
Fyrir 14 klukkutímum

5,7 milljarða gjaldþrot félags í eigu forstjóra Kviku banka hf.: „Ég er ekki að flýja neinar skuldir eða eitthvað svoleiðis“

5,7 milljarða gjaldþrot félags í eigu forstjóra Kviku banka hf.: „Ég er ekki að flýja neinar skuldir eða eitthvað svoleiðis“
Eyjan
Fyrir 2 dögum

Miðflokksþingmenn fengu sér lögmann og kröfðust úrræða frá Persónuvernd

Miðflokksþingmenn fengu sér lögmann og kröfðust úrræða frá Persónuvernd
Eyjan
Fyrir 2 dögum

Georg Bjarnfreðarson snýr aftur í auglýsingu frá VR – Sjáðu myndbandið

Georg Bjarnfreðarson snýr aftur í auglýsingu frá VR – Sjáðu myndbandið