fbpx
Miðvikudagur 12.desember 2018
Eyjan

Miðflokkurinn þurrkast út af þingi samkvæmt niðurstöðum nýrrar könnunar

Kristján Kristjánsson
Miðvikudaginn 5. desember 2018 06:34

Óhætt er að segja að áhrifa Klaustursmálsins gæti þegar fylgi stjórnmálaflokka er annars vegar því samkvæmt nýrri könnun myndi Miðflokkurinn þurrkast út af þingi ef kosið væri í dag og fengi aðeins um þriðjung þess fylgis sem hann fékk í síðustu kosningum.

Könnun var gerð 3. og 4. desember af Zenter fyrir Fréttablaðið og frettabladid.is. Samkvæmt niðurstöðunum myndi Miðflokkurinn fá 4,3 prósent atkvæða í dag og fengi því ekki mann kjörinn á þing. Fylgi flokksins mælist 1,5 prósentustigum hærra á landsbyggðinni en á höfuðborgarsvæðinu. Ef miðað er við efri vikmörk mælingarinnar fengi flokkurinn jöfnunarþingmenn en engan kjördæmakjörinn þingmann.

Fylgi Sjálfstæðisflokksins mælist 21,4 prósent og Samfylkingar 20,8 prósent. Fylgi Sjálfstæðisflokksins mælist um 4 prósentustigum minna en í kosningunum á síðasta ári en Samfylkingin bætir við sig tæplega 9 prósentustigum frá kosningum. Píratar mælast með 5 prósentustigum meira fylgi en í kosningunum og mælast nú með 14,4 prósent.

VG mælist með 12,7 prósent en fékk tæplega 17 prósent í kosningunum. Viðreisn sækir í sig veðrið og mælist með 9,1 prósent en fékk 6,7 prósent í kosningunum. Framsóknarflokkurinn tapar fylgi, mælist nú með 8,5 prósent en fékk 10,7 prósent í kosningunum. Flokkur fólksins tapar fylgi, mælist nú með 5,7 prósent en fékk 6,9 í kosningunum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 13 klukkutímum

Sigmundur Davíð og Gunnar Bragi hundsa fundarboð um sendiherramálið – Málið tekið af dagskrá

Sigmundur Davíð og Gunnar Bragi hundsa fundarboð um sendiherramálið – Málið tekið af dagskrá
Eyjan
Fyrir 13 klukkutímum

5,7 milljarða gjaldþrot félags í eigu forstjóra Kviku banka hf.: „Ég er ekki að flýja neinar skuldir eða eitthvað svoleiðis“

5,7 milljarða gjaldþrot félags í eigu forstjóra Kviku banka hf.: „Ég er ekki að flýja neinar skuldir eða eitthvað svoleiðis“
Eyjan
Fyrir 2 dögum

Miðflokksþingmenn fengu sér lögmann og kröfðust úrræða frá Persónuvernd

Miðflokksþingmenn fengu sér lögmann og kröfðust úrræða frá Persónuvernd
Eyjan
Fyrir 2 dögum

Georg Bjarnfreðarson snýr aftur í auglýsingu frá VR – Sjáðu myndbandið

Georg Bjarnfreðarson snýr aftur í auglýsingu frá VR – Sjáðu myndbandið