„Þeim mun minna sem landið er, þeim mun lengri ræðan,“ sagði George Herbert Bush forseti við Brian Mulroney, forsætisráðherra Kanada á Natófundi þegar þeir hlustuðu á ræðu íslensks forsætisráðherra sem ætlaði aldrei að stoppa.
Mulroney sagði þessa gamansögu í útför Bush nú áðan. Undir ræðunni munu hafa setið Helmut Kohl, Mitterrand og Margaret Thatcher. Ræðan endaði ekki, samkvæmt frásögninni, fyrr en aðalritari Nató tók af skarið og fyrirskipaði kaffihlé.