fbpx
Miðvikudagur 12.desember 2018
Eyjan

Anna Kolbrún útilokar ekki afsögn

Ritstjórn Eyjunnar
Miðvikudaginn 5. desember 2018 09:50

Anna Kolbrún Árnadóttir Laun og kostnaður 2018 Laun: 11.011.940 Húsnæðis- og dvalarkostnaðargreiðsla: 1.340.410 Fastur ferðakostnaður í kjördæmi: 300.000 Fastur starfskostnaður: 400.000 Ferðakostnaður innanlands: 2.573.089 Ferðakostnaður utanlands: 667.427 Síma- og netkostnaður: 159.797 Samtals: 16.452.663 - Hefur stigið 33 sinnum í ræðustól Alþingis og talað samtals í 1,2 klukkustundir - Anna Kolbrún var fyrsti flutningsmaður laga um stofnun lagaráðs Alþingis sem hafi það hlutverk að samræma reglur um samningu lagafrumvarpa og annan undirbúning löggjafarmála. Hún hefur verið meðflutningsmaður sautján annarra lagafrumvarpa. - Hefur lagt fram fimmtán fyrirspurnir til ráðherra. - Af 193 atkvæðagreiðslum sem Anna Kolbrún hefur átt að taka þátt í þá hefur hún 99 sinnum sagt já, 29 sinni nei og 53 setið hjá. Tólf sinnum hún verið fjarverandi. - Anna Kolbrún á sæti í Allsherjar- og menntamálanefnd og Velferðarnefnd. Hún hefur mætt á 15 fundi af 18 hjá fyrri nefndinni og 13 fundi af fimmtán hjá hinni síðarnefndu. Það gerir 85% mætingu. Hann boðaði einu sinni varamenn en skrópaði sjö sinnum

Anna Kolbrún Árnadóttir, þingmaður Miðflokksins, segir í Morgunblaðinu í dag ekki ætla að segja af sér vegna Klaustursmálsins. Hún var einnig til viðtals í morgun í Bítinu á Bylgjunni hvar hún í upphafi þáttar ítrekaði þá afstöðu sína. Vildi hún ekki bera ábyrgð á orðum annarra:

„Ég verð að horfa framan í það sem var og læra af því, ef að ég hverf á braut þá er ekkert sem segi að ég þurfi að læra af því. En með því að vera, þá gerir það mér að þurfa að laga mig sem manneskju. Ég þagði. Ég er ekki með góða rödd, það heyrist ekki hátt í mér. Ég hefði átt að fara. Ég þoli ekki neðanbeltisbrandara.“

Í Morgunblaðinu segist Anna Kolbrún það ekki á hennar ábyrgð þegar drukknir menn tali, en Anna segist sjálf ekki hafa verið drukkin, hún hafi drukkið einn stóran bjór og einn lítinn bjór, á um þremur klukkutímum:

„Ég geri mér grein fyrir því að ég lét þetta viðgangast. En á sama tíma geri ég mér fulla grein fyrir því að það er ekki á mína ábyrgð að stoppa það þegar drukknir menn tala. Ég hefði átt að fara fyrr en ég gerði.“

Bíður úrskurðar siðanefndar

Í Morgunblaðinu er Anna spurð hvort hún muni íhuga stöðu sína að nýju eftir að úrskurður siðanefndar Alþingis liggur fyrir:

„Þá kemur upp ný staða sem ég þarf að takast á við.“

Anna og Sigmundur Davíð voru einnig spurð að þessu í Bítinu í morgun. Þar sagðist Sigmundur ekki eiga von á því að segja af sér þó svo siðanefnd komist að þeirri niðurstöðu að hann hafi brotið siðareglur.

Anna Kolbrún vildi þó ekki útiloka að hún myndi íhuga stöðu sína að nýju:

„Ég er mjög sátt við að þetta fór hratt og vel í gegnum Forsætisnefnd og svo til siðanefndar. Mig minnir að ég hafi sagt í Morgunblaðsviðtalinu að við þurfum að taka stöðuna aftur, ekki að maður sé að vona að ég sleppi á einhvern máta…“

„En muntu endurskoða þína stöðu?“

„Mér finnst ágætt að þegar, segjum eftir tvo daga, þá er ég kannski orðin skýrari í kollinum, eftir 15 daga verð ég komin með enn betri mynd, ég get ekki sagt hvort, hvernig eða hvenær, ég verð bara að fá að taka mína daga og fara á fætur á morgnana og klára daginn,“

sagði Anna Kolbrún.

Freyja- Eyja

Í Klaustursupptökunum virðist sem að Anna Kolbrún eigi upptökin á því að nefna Freyju Haraldsdóttur til sögunnar. Í kjölfarið virðist sem að einhver sexmenninganna framkalli það sem talið hefur verið selahljóð. Hefur Sigmundur Davíð verið duglegur við að finna annarskonar skýringar á hljóðinu, talað um að stóll sé að hreyfast, reiðhjól að bremsa, eða önnur umhverfishljóð.

Sjá nánarLeyniupptaka:Hlustaðu á þingmenn gera grín að Freyju Haralds – Hermdi eftir sel

Í Morgunblaðinu ítrekar Anna að hún kannist ekki við að neinn hafi framkallað slíkt hljóð umrætt kvöld á Klaustur bar:

„Hverjum datt í hug að velta fyrir sér hugtakinu selur og tengja það við Freyju Haraldsdóttur? Hvaða fordómum býr sá yfir sem skrifaði fyrstu fréttina um það?“

Að vera, eða vera ekki þroskaþjálfi

Anna Kolbrún titlaði sig þroskaþjálfa á vef Alþingis, sem og í auglýsingu fyrir Alþingiskosningar árið 2007. Anna er hinsvegar ekki lærður þroskaþjálfi, en það er lögverndað starfsheiti og varðar við lög að nota starfsheitið með misvísandi hætti, líkt og Þroskaþjálfafélag Íslands hefur bent á.

Í Morgunblaðinu segir Anna að líklega hafi hún árið 2007 verið titluð sem þroskaþjálfi þar sem hún hafi sinnt slíku starfi í Síðuskóla á Akureyri, en hún hafi aldrei haldið því fram sjálf að hún væri þroskaþjálfi:

„Frambjóðendur þurftu að tiltaka við hvað þeir störfuðu og í mínu tilviki var ég ráðin í stöður þroskaþjálfa og fagstjóra sérkennslu yngsta stigs í grunnskóla.“

Sjá nánar: Steingrímur um Önnu Kolbrúnu og ferilskrána:„Um mislestur að ræða“ – Þroskaþjálfafélagið stendur fast á sínu

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 12 klukkutímum

Sigmundur Davíð og Gunnar Bragi hundsa fundarboð um sendiherramálið – Málið tekið af dagskrá

Sigmundur Davíð og Gunnar Bragi hundsa fundarboð um sendiherramálið – Málið tekið af dagskrá
Eyjan
Fyrir 13 klukkutímum

5,7 milljarða gjaldþrot félags í eigu forstjóra Kviku banka hf.: „Ég er ekki að flýja neinar skuldir eða eitthvað svoleiðis“

5,7 milljarða gjaldþrot félags í eigu forstjóra Kviku banka hf.: „Ég er ekki að flýja neinar skuldir eða eitthvað svoleiðis“
Eyjan
Fyrir 2 dögum

Miðflokksþingmenn fengu sér lögmann og kröfðust úrræða frá Persónuvernd

Miðflokksþingmenn fengu sér lögmann og kröfðust úrræða frá Persónuvernd
Eyjan
Fyrir 2 dögum

Georg Bjarnfreðarson snýr aftur í auglýsingu frá VR – Sjáðu myndbandið

Georg Bjarnfreðarson snýr aftur í auglýsingu frá VR – Sjáðu myndbandið