fbpx
Mánudagur 10.desember 2018
Eyjan

Logi Einarsson: „Frú forseti, nennirðu að biðja hann um að steinhalda kjafti meðan ég tala ?“

Ritstjórn Eyjunnar
Þriðjudaginn 4. desember 2018 13:31

Það er alþekkt að þingmenn snöggreiðist í pontu Alþingis og noti nokkur vel valin orð til að lýsa yfir skoðun sinni á mönnum og málefnum. Orðfærið er máske ekki í líkingu við tungutak sexmenninganna frá Klaustur bar, en „gunga“, „drusla“ og „fokk“ eru meðal þeirra ástkæru og ylhýru orða sem þingmenn hafa tamið sér í ræðum sínum í gegnum tíðina.

Þriðjudagskvöldið 27. nóvember fór fram önnur umræða um veiðigjaldsfrumvarp Kristjáns Þórs Júlíussonar, sjávarútvegsráðherra. Höfðu þeir Logi Einarsson, formaður Samfylkingarinnar, karpað um orðaval og útfærslur á frumvarpinu.

Í andsvari sínu virtist Logi orðinn pirraður á frammíköllum Kristjáns Þórs, sem eru ógreinanleg.

„Frú forseti, nennirðu að biðja hann um að steinhalda kjafti meðan ég tala ?“

„Nei hættu nú alveg, Logi ?“ heyrðist þá úr þingsalnum frá ónefndri þingkonu. Í kjölfarið bað Þórunn Egilsdóttir, 4. forseti Alþingis, „þingmanninn vinsamlegast um að gæta orða sinna.“

Spurði Logi þá að bragði og horfði á Þórunni:

„Hvorn?“

„Háttvirtan þingmann í pontu“, svaraði Þórunn, með ísköldu augnaráði.

Kvöldið eftir hófst fréttaflutningur úr Klaustursupptökunum svokölluðu, þar sem mun grófara orðbragð var notað af sexmenningunum um kollega sína og aðra minnihlutahópa sem og fólk úti í bæ.

Hér má sjá ræðu Loga, ummælin má heyra á 1:50 mínútu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 8 klukkutímum

Brynjar um sendiherradraum Gunnars Braga: „Hann er búinn að sækjast eftir þessu mjög lengi“

Brynjar um sendiherradraum Gunnars Braga: „Hann er búinn að sækjast eftir þessu mjög lengi“
Eyjan
Fyrir 10 klukkutímum
Frestur liðinn
Eyjan
Fyrir 3 dögum

Katrín um samþykkt fjárlaga: „Stundum fundist of mikill tími í stjórnmálum fara í að ræða peninga í stað þess að ræða málefnin“

Katrín um samþykkt fjárlaga: „Stundum fundist of mikill tími í stjórnmálum fara í að ræða peninga í stað þess að ræða málefnin“
Eyjan
Fyrir 3 dögum

Ísland tekur þátt í alþjóðasamþykkt um örugga, skipulagða og reglubundna fólksflutninga

Ísland tekur þátt í alþjóðasamþykkt um örugga, skipulagða og reglubundna fólksflutninga
Eyjan
Fyrir 3 dögum

Róbert segir Kastljósviðtal Lilju „æft“ og „sviðssett“: „Skaut yfir markið með ofbeldistali sínu“

Róbert segir Kastljósviðtal Lilju „æft“ og „sviðssett“: „Skaut yfir markið með ofbeldistali sínu“
Eyjan
Fyrir 3 dögum

Krefur Hafnarfjarðarbæ um fjórar milljónir vegna brottvikningar

Krefur Hafnarfjarðarbæ um fjórar milljónir vegna brottvikningar