fbpx
Mánudagur 10.desember 2018
Eyjan

Getur verkalýðshreyfingin sett lífeyrissjóðina í verkfall eins og Ragnar Þór leggur til?

Egill Helgason
Þriðjudaginn 27. nóvember 2018 23:56

Í fréttaskýringaþættinum Kveik í kvöld var fjallað um verkalýðsmálin og komandi kjaradeilur. Fyrir svörum sátu Sólveig Anna Jónsdóttir, formaður Eflingar, Drífa Snædal, forseti ASÍ, og Ragnar Þór Ingólfsson, formaður VR.

Það kom ýmislegt fróðlegt fram þarna, flest hefur þó heyrst áður. Sólveig Anna talaði um stéttabaráttu, Drífa talaði um nauðsyn á aðkomu ríkisins en Ragnar talaði meðal annars um lífeyrissjóði.

Eitt í málflutningi hans vakti sérstaka athygli. Ragnar veltir fyrir sér hvort verkalýðsfélögin geti beitt lífeyrissjóðunum í kjarabaráttunni – með því beinlínis að setja þá í verkfall?

„Við erum líka aðilar að íslenska lífeyrissjóðakerfinu. Við erum að borga hátt í 20 milljarða á ári í umsýslukostnað inn í fjármálakerfið. Og af hverju getum við ekki sett fjármálakerfið okkar í verkfall? Af hverju getum við ekki beitt áhrifum okkar inni í lífeyrissjóðakerfinu, sem að, beinum þá tilmælum til okkar stjórnarmanna að skrúfa fyrir allar fjárfestingar á meðan óvissa eða samningar eru lausir?“

Hrafn Magnússon, fyrrverandi framkvæmdastjóri Landsambands lífeyrissjóða, er ekki hrifinn af þessum orðum Ragnars og skrifar á Facebook.

„Þessi ummæli Ragnars finnst mér með ólíkindum og reyndar út í hött.  Að skrúfa fyrir allar fjárfestingar lífeyrissjóðanna er auk þess brot á lögum um skyldutryggingu lífeyrisréttinda og starfsemi lífeyrissjóða. Látum lífeyrissparnað fólks í friði.“

Í sama streng tekur Guðmundur Gunnarsson, fyrrverandi formaður Rafiðnaðarsambandsins. Hann telur að sumt sem Ragnar segir um lífeyrissjóðina gangi þvert á löggjöf um starfsemi þeirra.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 9 klukkutímum

Brynjar um sendiherradraum Gunnars Braga: „Hann er búinn að sækjast eftir þessu mjög lengi“

Brynjar um sendiherradraum Gunnars Braga: „Hann er búinn að sækjast eftir þessu mjög lengi“
Eyjan
Fyrir 11 klukkutímum

Össur argur út í stjórnvöld: „Þetta er náttúrulega skandall!“

Össur argur út í stjórnvöld: „Þetta er náttúrulega skandall!“
Eyjan
Fyrir 11 klukkutímum
Frestur liðinn
Eyjan
Í gær

Gríðarlegar framkvæmdir ráðgerðar við nýjar stjórnarráðsbyggingar – úrslit hönnunarsamkeppni

Gríðarlegar framkvæmdir ráðgerðar við nýjar stjórnarráðsbyggingar – úrslit hönnunarsamkeppni
Eyjan
Fyrir 2 dögum

Ögmundur efast um að leyniupptakan hafi átt erindi í fjölmiðla – „Engum hefur þetta gert gott“

Ögmundur efast um að leyniupptakan hafi átt erindi í fjölmiðla – „Engum hefur þetta gert gott“