Helga Jónsdóttir, starfandi forstjóri Orkuveitunnar, segist ekki útiloka að Einar Bárðarson verði kærður vegna tölvupósts sem hann sendi á Bjarna Bjarnason, forstjóra OR, og Sólrúnu Kristjánsdóttur, starfsmannastjóra fyrirtækisins, þann 11. september síðastliðinn.
Helgu verður falið að fara yfir skýrsluna og gera tillögur um meðferð einstakra þátta, til dæmis umrædds tölvupósts sem Einar sendi stjórnendum Orkuveitu Reykjavíkur.
Í tölvupóstinum, sem má sjá í heild sinni hér að neðan, lagði Einar meðal annars til að Áslaug fengi greidda upphæð sem nemur tveggja ára launum.
„Ég mun fara yfir það allt saman og gera mínar tillögur til stjórnarinnar en mun ekki tala um það við neinn annan fyrr en ég er búin að afgreiða þær til stjórnarinnar,“ segir Helga í samtali við vef Morgunblaðsins. Helga sagði í gær að hún hafi upplifað tölvupóst Einars sem hótun. Ekki hafi þó verið ákveðið hvort og þá til hvaða aðgerða Orkuveitan myndi grípa. Segir í frétt mbl.is að skoðað verðið hvort um hótun eða tilraun til fjárkúgunar hafi verið að ræða. Segist Helga ekki útiloka að kæra vegna ummæla Einars verði lögð fram.
Hér að neðan má sjá tölvupóstinn sem Einar sendi:
