Meirihluti fjárlaganefndar Alþingis leggur til niðurskurð frá áður samþykktum fjárlögum til að bregðast við kólnandi hagkerfi en einkaneysla er að dragast saman. Er lagt til að framlög til öryrkja verði lækkuð um 1.100 milljónir króna og hægt verði á framkvæmdum við nýjan Landspítala og nýtt skrifstofuhús Alþingis.
Þetta kom fram í kvöldfréttum RÚV. Formaður fjárlaganefndar, Willum Þór Þórsson, Framsóknarflokki, sagði í viðtali við RÚV:
„Verðbólgan er að láta á sér kræla og það er stór hluti frumvarpsins sem er í launum og verðbótum og það þarf að taka tillit til þess sem hefur áhrif á fjölmargar stærðir og svo þarf að gera almennar ráðstafanir til að mæta þeim útgjaldaauka og svo er einkaneyslan er að dragast saman á næsta ári og það er högg í virðisaukaskattstekjur.“
Samfylkingarmaðurinn Ágúst Ólafur Ágútsson er annar varaformaður nefndarinnar og er hann ekki sammála Willum eða meirihluta nefndarinnar, segir að óhugsandi sé að lækka framlög til velferðarmála.