Katrín Jakobsdóttir forsætisráðherra hefur sent Gylfa Magnússyni, formanns bankaráðs Seðlabanka Íslands, bréf þar sem krafist er greinargerðar frá bankaráðinu um Samherjamálið.
Í bréfinu er sérstaklega er óskað eftir upplýsingum um „hvað lá að baki ákvörðun Seðlabanka Íslands um að endurupptaka málið sem tilkynnt var Samherja hf. 30 mars 2016.“
Þá óskar Katrín einnig eftir útlistun á því hvort og þá með hvaða hætti bankinn hyggist bregðast við dómi Hæstaréttar og hvort niðurstaðan kalli eftir úrbótum á stjórnsýslu bankans og með hvaða hætti þær yrðu.
Að lokum sér forsætisráðherra tilefni til þess að minna Gylfa á, að lög um Seðlabanka Íslands séu nú til heildarendurskoðunar í ráðuneytinu, og stefnt sé á framlagningu frumvarps til nýrra heildarlaga um bankann á vormánuðum.
Hefur Gylfi frest til 7. desember til að svara Katrínu.
Sem kunnugt er hefur Þorsteinn Már Baldvinsson, forstjóri Samherja, kallað eftir því að Már Guðmundsson Seðlabankastjóri fari í fangelsi vegna málsins. Þá hefur Jón Steinar Gunnlaugsson, lögmaður, kallað eftir því að Katrín víki Má Buðmundssyni úr starfi vegna þessa.