Eyjan

Milliliðir fleyta rjómann – stafræn gíslataka

Egill Helgason
Fimmtudaginn 8. nóvember 2018 13:54

Einu sinni tíðkaðist mjög á Íslandi að kvarta undan milliliðum – það voru þeir sem stilltu sér upp milli framleiðenda og notenda og hirtu ábatann.

Á þeim tíma voru þetta aðallega heildsalar og þeim voru ekki vandaðar kveðjurnar.

Hinn stafræni veruleiki, internetið, hefur orðið þess valdandi að nú er gósentíð milliliða eins og hefur ekki áður þekkst.

Facebook hirðir fréttir- og fjölmiðlaefni og fénýtir það í auglýsingaskyni meðan fjölmiðlarnir sjálfir hanga á horriminni og deyja drottni sínum unnvörpum.

Spotify og YouTube taka tónlist og dreifa henni, eru milljarðafyrirtæki á markaði, en tónlistarmennirnir sjálfir fá smáaura fyrir verk sín.

Google er vissulega leitarvél en sjálfur tilvistargrundvöllurinn er gríðarlega mikil auglýsingasala – sem öll byggir á efni sem aðrir  hafa búið til.

Þetta er gullöld milliliðanna, þeim sem hafa komið sér vel fyrir til að fleyta rjómann af verkum þeirra sem skapa. Um snilldina bak við þessi fyrirtæki verður svosem ekki efast, þau byggja á heilmiklu hugviti, en til langframa er þetta ekki annað en arðrán og afætustarfsemi.

Dæmin eru miklu fleiri, við þetta má bæta bókunarsíðum á netinu. Tökum til dæmis vefinn Booking. Hér er frétt þar sem skýrt er frá því að booking hafi eytt meira en 1 milljarði dollara í auglýsingar á Google á síðasta ársfjórðungi.

Hermann Valsson leggur út af þessu á síðunni Bakland ferðaþjónustunar og segir að hótel séu að greiða himinháar upphæðir til Booking. Hann áætlar að íslenskir aðilar greiði milli 5 og 7,5 milljarða á ári til leitarvélanna og kallar þetta stafræna gíslatöku.

Þetta var aðeins fyrir einn ársfjórðung og bara fyrir Booking Holding sem eru með um 40% af þessum gríðarlega stóra markaði.

Gríðarlegir hagsmunir tengja Google stærstu leitarvél heims og hótel bókunarrisana eins og Booking . com, Expedia og dótturfyrirtæki þeirra.

Niðurstöður rannsókna frá 2013 og 2015 hafa sýnt að sýnileiki bókunarvéla eru mun betri en hótela í Reykjavík þegar leitað er á Google eftir hótelun í Reykjavík.

Sama hefur komið fram hvað varðar sýnileika hótela á Tenerife og í London núna í vor.

Hótel eru að greiða allt að 22% og upp í 24% að meðaltali og þekkt er að þau þurfa að greiða allt upp í 30% í bókunarþóknun til bókunarvélanna.

Íslenska hagkerfið var að missa um 5 til 7,5 milljarða á síðasta ári til erlendra fyrirtækja í formi bókunarþóknuna.

Við getum sett í gang nýsköpun með samstarfi hótela, ríkis og einkafyrirtækja til að spyrja við fótum og ná einhverjum hluta af þessari gríðarlegu upphæð til baka og inn í okkar hagkerfi.

Þetta er stafræn gíslataka og nýlendustefna byggð á nýjustu tækni sem við verður að tileinka okkur betur og berjast til að ná umtalsverðum hluta hennar til íslenskra fyrirtækja og inn í okkar hagkerfi.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 23 klukkutímum

Ástandið þarna er hræðilegt: Þrjár milljónir hafa þegar flúið land

Ástandið þarna er hræðilegt: Þrjár milljónir hafa þegar flúið land
Eyjan
Fyrir 23 klukkutímum

Vilja fiskeldisfræðing á Selfoss: „Eins og ef hafnarstjóri Faxaflóahafna væri staðsettur í Hveragerði“ segir bæjarstjóri

Vilja fiskeldisfræðing á Selfoss: „Eins og ef hafnarstjóri Faxaflóahafna væri staðsettur í Hveragerði“ segir bæjarstjóri
Eyjan
Í gær

Þingflokksformaður Framsóknar deilir jörð með James Ratcliffe

Þingflokksformaður Framsóknar deilir jörð með James Ratcliffe
Eyjan
Í gær

Benedikt skilgreinir „lýðskrumarann“ en nefnir engin nöfn

Benedikt skilgreinir „lýðskrumarann“ en nefnir engin nöfn
Eyjan
Fyrir 2 dögum

Innan við helmingur hjóna á Íslandi giftir sig hjá Þjóðkirkjunni – Mikill samdráttur frá aldamótum

Innan við helmingur hjóna á Íslandi giftir sig hjá Þjóðkirkjunni – Mikill samdráttur frá aldamótum
Eyjan
Fyrir 2 dögum

Rúnar fordæmir meðferðina á Tryggva – Vill beita sveitarfélög dagsektum

Rúnar fordæmir meðferðina á Tryggva – Vill beita sveitarfélög dagsektum