Allt varð vitlaust á blaðamannafundi sem Trump hélt í Hvíta húsinu í dag er hann lenti í deilum við Jim Acosta, fréttamann CNN um innflytjendamál og fleira. Trump sagði Acosta hvað eftir annað að hætta að tala og fá sér sæti. Hann sagði jafnframt að CNN flytti falsfréttir. Acosta lét þetta ekki á sig fá og gerði ítrekaðar tilraunir til að halda samtali áfram við forsetann. Hann hélt áfram að reyna að spyrja forsetann út í innflytjendamál og rannsókn á meintum afskiptum Rússa af kosningabaráttunni fyrir síðustu forsetakosningarnar. Trump kallaði Acosta dóna og sagði að hann hefði komið hræðilega fram við fjölmiðlafulltrúa Hvíta hússins. Sjón er sögu ríkari og fylgjast má með þessum hvössu orðaskiptum í spilaranum hér fyrir neðan.